ಹಿಂದಕ್ಕೆ ಚಲಿಸಿದ ರೈಲು ಇಬ್ಬರಿಗೆ ಗಾಯ

•   Wed, May 03 2023 10:24:30 AM



• ನಾಗ್ಪುರ್,ಮೇ3(Daijiworld News/KH):ಮಹಾರಾಷ್ಟ್ರದ ನಾಗ್ಪುರ್  ರೈಲ್ವೆ ಕ್ರಾಸಿಂಗ್ ದಾಟುತ್ತಿದ್ದಾಗ ಸರಕು ಸಾಗಣೆ ರೈಲೊಂದು ಹಿಂದಕ್ಕೆ ಚಲಿಸಿದ  ಪರಿಣಾಮ ಕಾರಿನಲ್ಲಿದ್ದ ಇಬ್ಬರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ನಡೆದಿದೆ.

  ಕೊರಾಡಿ ಪೊಲೀಸ್ ಠಾಣೆ ವ್ಯಾಪ್ತಿಯ ಬೊಖ್ರಾ ರೈಲ್ವೆ ಕ್ರಾಸಿಂಗ್ ಬಳಿ ಸೋಮವಾರ ರಾತ್ರಿ ಈ ಘಟನೆ ನಡೆದಿದ್ದು,  ರಾತ್ರಿ ಸುಮಾರು  11:55ಕ್ಕೆ ಸರಕು ಸಾಗಣೆ ರೈಲೊಂದು ಮುಂದಕ್ಕೆ ಸಾಗುತ್ತಿತ್ತು,  ಅನಂತರ ರೈಲು ಸಾಗಿದ ಬಳಿಕ ಕ್ರಾಸಿಂಗ್ ನಲ್ಲಿದ್ದ ವಾಹನಗಳು ಮುಂದೆ ಸಾಗಿವೆ , ಇದರ ಬಳಿಕ ಇದ್ದಕ್ಕಿದ್ದಂತೆ ರೈಲು ಹಿಂದಕ್ಕೆ ಚಲಿಸಿದ್ದರಿಂದ ಈ ಘಟನೆ ನಡೆದಿದೆ. ಅಪಘಾತದಲ್ಲಿ ರೈಲು ಕಾರಿಗೆ ಅಪ್ಪಳಿಸಿದ ಬಳಿಕ ಬೈಕ್ ಸವಾರನಿಗೂ ಬಡಿದುಕೊಂಡು ಹೋಗಿದೆ. 

  ಈ ಕುರಿತ ನಾರಾಯಣ ಘರ್ ಮಾರೆ ಎನ್ನುವರು ನೀಡಿದ ದೂರಿನ ಅನ್ವಯ ಕೊರಾಡಿ ಪೊಲೀಸರು ಲೋಕೊಪೈಲಟ್ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.