ಬೀದಿ ನಾಯಿಗಳ ದಾಳಿ - 12 ವರ್ಷದ ಬಾಲಕ ಬಲಿ

•   Wed, May 03 2023 10:16:30 AM



• ಬರೇಲಿ, ಮೇ 03 (DaijiworldNews/HR): ಉತ್ತರ ಪ್ರದೇಶದ ಬರೇಲಿಯ ಸಿಬಿ ಗಂಜ್‌ನಲ್ಲಿ ಬೀದಿ ನಾಯಿಗಳು 12ವರ್ಷದ ಬಾಲಕನ ಮೇಲೆ ದಾಳಿ ನಡೆಸಿ, ಹತ್ಯೆಗೈದಿದ್ದು, ಮತ್ತೊಬ್ಬ ಬಾಲಕ ಗಾಯಗೊಂಡಿದ್ದಾನೆ.

  ಮೃತ ಹುಡುಗನನ್ನು ಅಯಾನ್​​ ಎಂದು ಗುರುತಿಸಲಾಗಿದೆ.

  ಈತ ಹಲವರು ಬಾಲಕರ ಜತೆ ಸೇರಿ ಆಟವಾಡುತ್ತಿದ್ದ. ಆಗ ಅಲ್ಲಿಗೆ ಬೀದಿನಾಯಿಗಳ ದಂಡೇ ಬಂದಿದ್ದು, ಅಯಾನ್​ ಅಲ್ಲಿಂದ ಓಡಿದ್ದಾನೆ. ಈ ನಾಯಿಗಳು ಅವನನ್ನು ಬೆನ್ನಟ್ಟಿ ಹೋದಾಗ ಅಯಾನ್​ ಕೆಳಗೆ ಬಿದ್ದಾಗ ಅವನ ಮೇಲೆ ಎರಗಿ, ಕಚ್ಚಿವೆ.

  ಇನ್ನು ಅಯಾನ್​​ನನ್ನು ಮುತ್ತಿಕೊಂಡು, ಕಚ್ಚುತ್ತಿದ್ದ ನಾಯಿಗಳನ್ನು ದಾರಿಹೋಕರೊಬ್ಬರು ಓಡಿಸಿದ್ದಾರೆ. ರಕ್ತದ ಮಡುವಲ್ಲಿ ಇದ್ದಿದ್ದ ಅಯಾನ್​​ನನ್ನು ಅವರು ಆಸ್ಪತ್ರೆಗೆ ದಾಖಲು ಮಾಡಿದ್ದರು. ಆದರೆ ತೀವ್ರ ರಕ್ತಸ್ರಾವದಿಂದ ಬಾಲಕ ಮೃತಪಟ್ಟಿದ್ದಾನೆ.