ಅಂತಿಮವಾಗಿ ಕಣದಲ್ಲಿ 2613 ಅಭ್ಯರ್ಥಿಗಳು

•   Tue, Apr 25 2023 10:26:53 AM



• ಬೆಂಗಳೂರು, ಏ 25 (DaijiworldNews/MS): ರಾಜ್ಯದ 16ನೇ ವಿಧಾನಸಭೆ ಚುನಾವಣೆ ಕಣ ಚಿತ್ರಣ ಸ್ಪಷ್ಟಗೊಂಡಿದ್ದು, ಒಟ್ಟು 2613 ಅಭ್ಯರ್ಥಿಗಳು ಅಂತಿಮ ಅಖಾಡದಲ್ಲಿದ್ದಾರೆ.

  ನಾಮಪತ್ರ ವಾಪಸ್ ಪಡೆಯುವುದಕ್ಕೆ ಸೋಮವಾರ ಕೊನೆ ದಿನವಾಗಿದ್ದು 517 ಮಂದಿ ನಾಮಪತ್ರ ಹಿಂಪಡೆದಿದ್ದಾರೆ. ಇನ್ನು ೫೩೧ ಅಭ್ಯರ್ಥಿಗಳ ನಾಮಪತ್ರ ತಿರಸ್ಕೃತವಾಗಿದೆ. ರಾಜ್ಯದ ಒಟ್ಟು ೩೮ ಕ್ಷೇತ್ರದಲ್ಲಿ ಮೂರು ಪಕ್ಷಗಳಿಗೂ ಬಂಡಾಯದ ಬಿಸಿ ತಟ್ಟಿದೆ.

  ಕಣದಲ್ಲಿ 2427 ಪುರುಷ ಮತ್ತು 184 ಮಹಿಳಾ ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಭಾರತೀಯ ಜನತಾ ಪಕ್ಷದಿಂದ 224, ಕಾಂಗ್ರೆಸ್‌ ನಿಂದ 223, ಎಎಪಿಯಿಂದ -209, ಜೆಡಿಎಸ್-207,ಬಿಎಸ್ಪಿ-133, ಸಿಪಿಯಂ 1, ಜೆಡಿಯೂ-1, ಎನ್ ಸಿಪಿ-2, ನೋಂದಾಯಿತ ಮಾನ್ಯತೆ ಹೊಂದಿಲ್ಲದ ಪಕ್ಷಗಳಿಂದ 615 ಮತ್ತು 918 ಪಕ್ಷೇತರರು ಈ ಬಾರಿ ಕಣದಲ್ಲಿದ್ದಾರೆ.