'ಲೂಟಿಯ ಸಾಮ್ರಾಜ್ಯಕ್ಕಿಂತ ಮೀನು ಹಿಡಿಯೋದು ಲೇಸು'- ಮದ್ವರಾಜ್‌ ತಿರುಗೇಟು

•   Mon, Apr 24 2023 01:30:05 PM



• ಬೆಂಗಳೂರು,ಏ 24 (DaijiworldNews/MS): "ಪ್ರಮೋದ್‌ ಮದ್ವರಾಜ್‌ ಬಿಜೆಪಿ ಸೇರಿ ಮೀನಿಗೆ ಗಾಳ ಹಾಕ್ತಾ ಕೂತ್ಕೋಬೇಕಷ್ಟೇ "ಎಂದು ವ್ಯಂಗವಾಡಿದ್ದ ಕೆಪಿಸಿಸಿ ಅಧ್ಯಕ್ಷ ಡಿಕೆ. ಶಿವಕುಮಾರ್‌ ಅವರಿಗೆ ಪ್ರಮೋದ್‌ ಮದ್ವರಾಜ್‌ ತಿರುಗೇಟು ನೀಡಿದ್ದಾರೆ.

  ಮೀನಿಗೆ ಗಾಳ ಹಾಕಿ ಕಾಯುತ್ತ ಕೂರುವುದು ಪ್ರಾಮಾಣಿಕ ಕಾಯಕವಾಗಿದೆ.ಡಿಕೆಶಿ ತಮ್ಮರಾಜಕೀಯ ಜೀವನ ಪ್ರಾರಂಭಮಾಡಿದಾಗ ಅವರ ಆರ್ಥಿಕ ಪರಿಸ್ಥಿತಿ ಹೇಗಿತ್ತು? ಈಗ ಡಿಕೆಶಿ ಆರ್ಥಿಕ ಪರಿಸ್ಥಿತಿ ಹೇಗಿದ ಅಂತ ನನಗೆ ಚೆನ್ನಾಗಿ ಗೊತ್ತು.ಮೀನಿಗೆ ಗಾಳ ಹಾಕಿ ಮಾಡುವ ಕಾಯಕ ಪ್ರಾಮಾಣಿಕ ಕಾಯಕ. ನಾನು ರಾಜಕೀಯದಲ್ಲಿ ಪ್ರಾಮಾಣಿಕತೆಯನ್ನೇ ಕಾಪಾಡಿಕೊಂಡು ಬಂದಿದ್ದೇನೆ. ಕೋಟ್ಯಂತರ ರೂ. ಲೂಟಿ ಮಾಡಿ ತಮ್ಮಸಾಮ್ರಾಜ್ಯ ಬೆಳೆಸೋದಕ್ಕಿಂತ ಮೀನು ಹಿಡಿದು ಜೀವನ ಮಾಡೋದೇ ಲೇಸು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

  ಎಷ್ಟೇ ಬೇಡ ಎಂದು ಕೇಳಿಕೊಂಡರೂ ಪ್ರಮೋದ್‌ ಮದ್ವರಾಜ್‌ ಬಿಜೆಪಿ ಪಕ್ಶಕ್ಕೆ ಸೇರಿಕೊಂಡರು. ಬಿಜೆಪಿ ಸೇರಿದ ಅವರಿಗೆ ಅಲ್ಲಿ ಏನೂ ಸಿಕ್ಕಿಲ್ಲ ಕನಿಷ್ಠ ಪಕ್ಷ ಬಿಜೆಪಿ ವೇದಿಕೆಯಲ್ಲಿ ಕೂರುವ ಅವಕಾಶವೂ ಸಿಕ್ಕಿಲ್ಲ. ಹೀಗಾಗಿ ಅವರು ಎಂಎಲ್‌ಸಿ ಆಗೋ ಆಸೆಯನ್ನು ಬಿಡುವುದು ಒಳ್ಳೆಯದು ಎಂದು ಬೈಂದೂರಿನಲ್ಲಿ ಭಾನುವಾರ ನಡೆದ ಕಾಂಗ್ರೆಸ್‌ ಕಾರ್ಯಕರ್ತರ ಸಭೆಯಲ್ಲಿ ಭಾಗವಹಿಸಿ ಮಾತನಾಡಿದ್ದ ಡಿ.ಕೆ. ಶಿವಕುಮಾರ್‌ ವ್ಯಂಗ್ಯವಾಡಿದ್ದರು.