ಲಂಡನ್ ಗೆ ಪರಾರಿ ಯತ್ನ - ಅಮೃತ್‌ಪಾಲ್‌ ಪತ್ನಿ ಏರ್‌ಪೋರ್ಟ್‌ನಲ್ಲಿ ಬಂಧನ

•   Thu, Apr 20 2023 03:45:05 PM



• ಅಮೃತಸರ, ಏ 20 (DaijiworldNews/MS): ಪರಾರಿಯಾಗಿರುವ ಖಲಿಸ್ತಾನ್ ಪರ ನಾಯಕ ಅಮೃತ್‌ಪಾಲ್‌ ಪತ್ನಿ ಕಿರಣದೀಪ್ ಕೌರ್‌ನ್ನು ಅಮೃತಸರ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮೈಗ್ರೇಷನ್‌ ಇಲಾಖೆ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.

  ಕಿರಣ್‌ದೀಪ್ ಪರಾರಿಯಾಗಲು ಬೆಳಗ್ಗೆ 11.30ಕ್ಕೆ ನಿಲ್ದಾಣಕ್ಕೆ ಬಂದಿದ್ದು, ಮಧ್ಯಾಹ್ನ 1:30ಕ್ಕೆ ಲಂಡನ್ ನ ಬರ್ಮಿಂಗ್ ಹ್ಯಾಮ್ ಗೆ ಪ್ರಯಾಣಿಸುವುದಕ್ಕೆ ಸಿದ್ಧತೆ ಮಾಡಿಕೊಂಡಿದ್ದರು.

  ಸದ್ಯ ಆಕೆಯನ್ನು ಸಂಬಂಧಪಟ್ಟ ಅಧಿಕಾರಿಗಳು ವಿಚಾರಣೆಗೆ ಒಳಪಡಿಸುತ್ತಿದ್ದಾರೆ. ಖಲಿಸ್ತಾನ್ ಬೆಂಬಲಿಗ ಅಮೃತ್‌ಪಾಲ್‌ ಮಾ.18ರಿಂದ ತಲೆಮರೆಸಿಕೊಂಡಿದ್ದು ವಿವಿಧ ರಾಜ್ಯಗಳಲ್ಲಿ ಹುಡುಕಾಟ ನಡೆಸುತ್ತಿದ್ದಾರೆ