ಗ್ಯಾಂಗ್ ಸ್ಟರ್ ಅತಿಕ್ ಅಹ್ಮದ್ ಪುತ್ರ ಅಸದ್ ಎನ್‌‌ಕೌಂಟರ್‌‌ನಲ್ಲಿ ಹತ್ಯೆ

•   Thu, Apr 13 2023 02:47:57 PM



• ಲಖನೌ, ಏ 13 (DaijiworldNews/HR): ಪ್ರಯಾಗ್‌ ರಾಜ್‌ ನ ಉಮೇಶ್ ಪಾಲ್ ಹತ್ಯೆ ಪ್ರಕರಣದ ಗ್ಯಾಂಗ್ ಸ್ಟರ್ -ರಾಜಕಾರಣಿ ಅತೀಕ್ ಅಹ್ಮದ್ ಪುತ್ರ ಅಸದ್ ಮತ್ತು ಶೂಟರ್ ಗುಲಾಮ್ ಅವರನ್ನು ಗುರುವಾರ ಉತ್ತರ ಪ್ರದೇಶ ಪೊಲೀಸ್ ವಿಶೇಷ ಕಾರ್ಯಪಡೆಯು ಎನ್‌ಕೌಂಟರ್‌ ನಲ್ಲಿ ಹತ್ಯೆ ಮಾಡಿದ್ದಾರೆ.

  ಅತೀಕ್ ಪುತ್ರ ಅಸದ್ ಮದುವೆ ಆಯೇಷಾ ನೂರಿ ಮಗಳೊಂದಿಗೆ ನಿಶ್ಚಯವಾಗಿದ್ದು, ಕಳೆದ ವರ್ಷ ಇವರಿಬ್ಬರ ನಿಶ್ಚಿತಾರ್ಥ ನಡೆದಿತ್ತು. ಉಮೇಶ್ ಪಾಲ್ ಶೂಟೌಟ್ ಪ್ರಕರಣದಲ್ಲಿ ಅತೀಕ್ ಪುತ್ರ ಅಸದ್ ಭಾಗಿಯಾಗಿದ್ದ. ಆತನ ತಲೆಗೆ ಐದು ಲಕ್ಷ ರೂಪಾಯಿ ಬಹುಮಾನವನ್ನೂ ಘೋಷಿಸಲಾಗಿತ್ತು.

  ಇನ್ನು ಪೊಲೀಸರು ಈಗಾಗಲೇ ಅತೀಕ್ ಸಹೋದರಿ ಆಯೇಷಾ ನೂರಿ ಅವರ ಪತಿ ಡಾ.ಅಖ್ಲಾಕ್ ಅವರನ್ನು ಬಂಧಿಸಿ ಜೈಲಿಗೆ ಕಳುಹಿಸಿದ್ದಾರೆ. ಉಮೇಶ್ ಪಾಲ್ ಶೂಟೌಟ್ ಪ್ರಕರಣದಲ್ಲಿ ಭಾಗಿಯಾಗಿರುವ ಶೂಟರ್ ಗುಡ್ಡು ಆಯೇಷಾ ನೂರಿ ಮನೆಗೆ ಹೋಗಿದ್ದ. ಘಟನೆ ನಡೆದ ಸುಮಾರು 10 ದಿನಗಳ ನಂತರ ಶೂಟರ್ ಗುಡ್ಡು 17 ಗಂಟೆಗಳ ಕಾಲ ಆಯೇಷಾ ನೂರಿ ಮನೆಯಲ್ಲಿದ್ದ ಎಂಬ ಮಾಹಿತಿ ಪೊಲೀಸರಿಗೆ ಲಭಿಸಿದೆ.