ಈಸ್ಟರ್‌ ಹಬ್ಬ - ಸೇಕ್ರೆಡ್ ಹಾರ್ಟ್ ಚರ್ಚ್‌‌ಗೆ ಭೇಟಿ ನೀಡಿದ ಪ್ರಧಾನಿ ಮೋದಿ

•   Mon, Apr 10 2023 08:45:09 AM



• ನವದೆಹಲಿ, ಏ 10 (DaijiworldNews/HR): ಈಸ್ಟರ್ ಹಬ್ಬದ ಪ್ರಯುಕ್ತ ಪ್ರಧಾನಿ ನರೇಂದ್ರ ಮೋದಿ ಅವರು ಭಾನುವಾರ ದೆಹಲಿಯ ಸೇಕ್ರೆಡ್ ಹಾರ್ಟ್ ಕ್ಯಾಥೆಡ್ರಲ್ ಕ್ಯಾಥೋಲಿಕ್ ಚರ್ಚ್‌ಗೆ ಭೇಟಿ ನೀಡಿದ್ದಾರೆ.

  ಈ ಕುರಿತು ಮಾತನಾಡಿರುವ ಫಾದರ್ ಫ್ರಾನ್ಸಿಸ್ ಸ್ವಾಮಿನಾಥನ್, ಪ್ರಧಾನಿಯೊಬ್ಬರು ಚರ್ಚ್‌ಗೆ ಭೇಟಿ ನೀಡುತ್ತಿರುವುದು ಇದೇ ಮೊದಲು. ಅವರು ನಮ್ಮ ಚರ್ಚ್‌ಗೆ ಭೇಟಿ ನೀಡುತ್ತಿರುವುದು ರೋಮಾಂಚನಕಾರಿಯಾಗಿದೆ ಎಂದರು.

  ಇನ್ನು ಪ್ರಧಾನಿ ಚರ್ಚ್‌ಗೆ ಭೇಟಿ ನೀಡಿರುವುದು ನಮಗೆ ಸಂತೋಷದ ಕ್ಷಣವಾಗಿತ್ತು. ಮೇಣದ ಬತ್ತಿ ಹಚ್ಚಿ ಪ್ರಾರ್ಥನೆ ಸಲ್ಲಿಸಿದರು. ನಾವು ಅವರಿಗೆ ಉಡುಗೊರೆಯನ್ನೂ ನೀಡಿದ್ದೇವೆ. ಅವರು ಸಸಿಯೊಂದನ್ನು ಚರ್ಚ್ ಪ್ರಾಂಗಣದಲ್ಲಿ ನೆಟ್ಟರು ಎಂದು ಬಿಷಪ್ ಅನಿಲ್ ಖುತೋ ಹೇಳಿದ್ದಾರೆ.

  ಚರ್ಚ್‌ಗೆ ಭೇಟಿ ನೀಡಿದ ನಂತರ ಟ್ವೀಟ್‌ ಮಾಡಿರುವ ಅವರು, ಈಸ್ಟರ್ ಹಬ್ಬದ ವಿಶೇಷ ಸಂದರ್ಭದಲ್ಲಿ ಪವಿತ್ರ ಕೆಥೆಡ್ರಲ್‌ ಚರ್ಚ್‌ಗೆ ಭೇಟಿ ನೀಡುವ ಅವಕಾಶ ನನಗೆ ಸಿಕ್ಕಿತು. ಇಲ್ಲಿ ಕ್ರಿಶ್ಚಿಯನ್ ಸಮುದಾಯದ ಧರ್ಮ ಗುರುಗಳನ್ನು ಭೇಟಿ ಮಾಡಿದೆ ಎಂದಿದ್ದಾರೆ.

  Today, on the very special occasion of Easter, I had the opportunity to visit the Sacred Heart Cathedral in Delhi. I also met spiritual leaders from the Christian community.
  
  Here are some glimpses. pic.twitter.com/7ig2Q4yHAT

  — Narendra Modi (@narendramodi) April 9, 2023