'ರಾಹುಲ್‌ನಿಂದಾಗಿ ನಾನು ಮಾತ್ರವಲ್ಲ, ಮೂರು ಡಜನ್ ಜನರು ಕಾಂಗ್ರೆಸ್ ತೊರೆದಿದ್ದಾರೆ' - ಗುಲಾಂ ನಬಿ ಆಜಾದ್

•   Sat, Apr 08 2023 07:28:23 PM



• ನವದೆಹಲಿ, ಏ 8 (DaijiworldNews/HR): ರಾಹುಲ್ ಗಾಂಧಿಯಿಂದಲೇ ನಾನು ಕಾಂಗ್ರೆಸ್ ಪಕ್ಷವನ್ನು ತೊರೆದಿದ್ದು, ನಾನು ಮಾತ್ರವಲ್ಲದೇ ಮೂರು ಡಜನ್ ಜನರು ಕಾಂಗ್ರೆಸ್ ತೊರೆದಿದ್ದಾರೆ ಎಂದು ಡೆಮಾಕ್ರಟಿಕ್ ಪ್ರೋಗ್ರೆಸಿವ್ ಆಜಾದ್ ಪಾರ್ಟಿ (DAP) ನಾಯಕ ಗುಲಾಂ ನಬಿ ಆಜಾದ್ ಹೇಳಿದ್ದಾರೆ.

  ಈ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, ನನಗಷ್ಟೇ ಅಲ್ಲ, ಸುಮಾರು ಮೂರು ಡಜನ್ ಯುವಕರು, ವೃದ್ಧರು, ಶೇ 90ರಷ್ಟು ಮಂದಿ ಕಾಂಗ್ರೆಸ್‌ನ ಯುವ ನಾಯಕರು ರಾಹುಲ್ ಗಾಂಧಿ ಅವರಿಂದಲೇ ಕಾಂಗ್ರೆಸ್ ತೊರೆದಿದ್ದಾರೆ ಎಂಬುದು ಎಲ್ಲರಿಗೂ ತಿಳಿದಿದೆ ಎಂದರು.

  ಇನ್ನು ಕಾಂಗ್ರೆಸ್ ಪಕ್ಷದ ಹಿರಿಯ ನಾಯಕರಾಗಿದ್ದ ಗುಲಾಂ ನಬಿ ಆಜಾದ್ ಅವರು ಕಾಂಗ್ರೆಸ್ ತೊರೆದು ಬಳಿಕ ಡೆಮಾಕ್ರಟಿಕ್ ಪ್ರೋಗ್ರೆಸಿವ್ ಆಜಾದ್ ಪಾರ್ಟಿ (DAP) ಕಟ್ಟಿಕೊಂಡಿದ್ದಾರೆ.