ಕೋವಿಡ್ ಏರಿಕೆ: ವಕೀಲರು ಆನ್​​ಲೈನ್ ಮೂಲಕ ವಾದ ಮಂಡಿಸಬಹುದು - ಸಿಜೆಐ

•   Wed, Apr 05 2023 01:09:07 PM



• ನವದೆಹಲಿ, ಏ 05 (DaijiworldNews/MS): ಭಾರತದಲ್ಲಿ ಕೊರೊನಾ ಪ್ರಕರಣಗಳು ಹೆಚ್ಚಾಗುತ್ತಿರುವ ಕಾರಣ ವಕೀಲರು ಇನ್ನು ನ್ಯಾಯಾಲಯಕ್ಕೆ ಹಾಜರಾಗುವ ಅವಶ್ಯಕತೆಯಿಲ್ಲ; ಬದಲಿಗೆ ಆನ್​​ಲೈನ್ ಮೂಲಕವೇ ಪ್ರಕರಣಗಳ ಬಗ್ಗೆ ವಾದ ಮಾಡಬಹುದು ಎಂದು ಸುಪ್ರೀಂಕೋರ್ಟ್ ಮುಖ್ಯ ನ್ಯಾಯಮೂರ್ತಿ ಡಿ.ವೈ ಚಂದ್ರಚೂಡ್‌ ಹೇಳಿದ್ದಾರೆ.

  ಇಂದು ಪ್ರಕರಣಗಳ ಪ್ರಸ್ತಾಪದ ಸಂದರ್ಭದಲ್ಲಿ ಭಾರತದ ಮುಖ್ಯ ನ್ಯಾಯಮೂರ್ತಿ ಡಿವೈ ಚಂದ್ರಚೂಡ್ ಮತ್ತು ನ್ಯಾಯಮೂರ್ತಿ ಜೆಬಿ ಪರ್ದಿವಾಲಾ ಅವರ ಪೀಠವು, ಕೊರೊನಾ​​ ಪ್ರಕರಣಗಳು ಹೆಚ್ಚಾಗುತ್ತಿದೆ ಎಂದು ಮಾಧ್ಯಮ ವರದಿ ಮಾಡಿವೆ. ಈ ಕಾರಣದಿಂದ ವಕೀಲರು ಯಾರೂ ಕೋರ್ಟ್​ಗೆ ಬರುವ ಅಗತ್ಯತೆ ಇಲ್ಲ; ವರ್ಚುವಲ್ ಆಗಿ ಭಾಗವಹಿಸಬಹುದು.

  ಹೈಬ್ರಿಡ್ ಮೋಡ್ ಆನ್ ಆಗಿದೆ. ಆನ್‌ಲೈನ್‌ನಲ್ಲಿ ಕಾಣಿಸಿಕೊಳ್ಳುತ್ತಿರುವ ಅನೇಕ ವಕೀಲರನ್ನು ನಾನು ನೋಡುತ್ತೇನೆ. ನೀವು ಎಲ್ಲಿದ್ದೀರಾ ಅಲ್ಲಿಂದಲೇ ಕಾರ್ಯನಿರ್ವಹಿಸಿ ಎಂದು ಅವರು ಸಲಹೆ ಮಾಡಿದ್ದಾರೆ.

  ಬುಧವಾರದಂದು ದೇಶದಲ್ಲಿ 4,435 ಹೊಸ COVID-19 ಸೋಂಕುಗಳನ್ನು ದಾಖಲಾಗಿದೆ. ಇದು 5 ತಿಂಗಳುಗಳಲ್ಲಿ ಅತಿ ಹೆಚ್ಚು ಒಂದೇ ದಿನದ ಏರಿಕೆಯಾಗಿದೆ