ಕುನೋ ಉದ್ಯಾನವನದಿಂದ ಹಳ್ಳಿಯೊಂದಕ್ಕೆ ಪ್ರವೇಶಿಸಿದ ಚೀತಾ - ವಿಡಿಯೋ ವೈರಲ್

•   Sun, Apr 02 2023 05:24:51 PM



• ಭೋಪಾಲ್, ಏ 02 (DaijiworldNews/HR): ಮಧ್ಯಪ್ರದೇಶದ ಕುನೋ ರಾಷ್ಟ್ರೀಯ ಉದ್ಯಾನವನದಲ್ಲಿದ್ದ ಚೀತಾವೊಂದು ದಾರಿತಪ್ಪಿ ಸಮೀಪವಿರುವ ಹಳ್ಳಿಯೊಂದಕ್ಕೆ ಹೊಂದಿಕೊಂಡಿರುವ ಹೊಲದಲ್ಲಿ ಕಾಣಿಸಿಕೊಂಡಿದೆ.

  ಸೆಪ್ಟೆಂಬರ್‌ನಲ್ಲಿ ನಮೀಬಿಯಾದಿಂದ ತರಲಾಗಿದ್ದ ಎಂಟು ಚೀತಾಗಳಲ್ಲಿ ಒಂದಾದ ಒಬಾನ್, ಕಳೆದ ತಿಂಗಳು ಬಿಡುಗಡೆಯಾದ ಪಾರ್ಕ್‌ನ ಮುಕ್ತ ವ್ಯಾಪ್ತಿಯ ಪ್ರದೇಶದಿಂದ ಸುಮಾರು 15-20 ಕಿಲೋಮೀಟರ್ ದೂರದಲ್ಲಿರುವ ಹೊಲಕ್ಕೆ ದಾರಿ ತಪ್ಪಿ ಪ್ರವೇಶಿಸಿದೆ ಎಂದು ವರದಿಯಾಗಿದೆ.

  ಈ ಕುರಿತು ಮಾಹಿತಿ ನೀಡಿರುವ ಶಿಯೋಪುರ್ ವಿಭಾಗೀಯ ಅರಣ್ಯ ಅಧಿಕಾರಿ ಪಿ.ಕೆ. ವರ್ಮಾ, ಕಾಲರ್ ಡಿವೈಸ್ ಸಾಧನದಿಂದ ಬಂದ ಸಿಗ್ನಲ್‌ಗಳ ಪ್ರಕಾರ, ಚೀತಾ ಶನಿವಾರ ರಾತ್ರಿಯಿಂದ ಹಳ್ಳಿಯ ಕಡೆಗೆ ಚಲಿಸುತ್ತಿದೆ. ಪೊಲೀಸ್ ತಂಡವು ಪರಿಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುತ್ತಿದ್ದು ಗ್ರಾಮಸ್ಥರನ್ನು ದೂರವಿಡುತ್ತಿದ್ದಾರೆ. ಅರಣ್ಯ ಇಲಾಖೆ ಸಿಬಂದಿ ಅದನ್ನು ಉದ್ಯಾನದ ಪ್ರದೇಶಕ್ಕೆ ಕಳುಹಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದು ತಿಳಿಸುತ್ತಿದ್ದಾರೆ.

  ಇನ್ನು ಅರಣ್ಯದ ಆವರಣಕ್ಕೆ ಮರಳಲು ಸಿಬಂದಿ ಓಬನ್‌ನನ್ನು ಪ್ರೇರೇಪಿಸಲು ಪ್ರಯತ್ನಿಸುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

  Sheopur, Madhya Pradesh | Cheetah Oban, one of the cheetahs brought from Namibia, entered Jhar Baroda village of Vijaypur which is 20 kms away from Kuno National Park. Monitoring team has also reached the village. Efforts are underway to bring the cheetah back: DFO
  
  (Video… pic.twitter.com/4iQAoB6tcz

  — ANI MP/CG/Rajasthan (@ANI_MP_CG_RJ) April 2, 2023