ಪ್ಯಾನ್‌, ಆಧಾರ್‌ ಲಿಂಕ್‌ ವೇಳೆ ವಂಚನೆ, ಎಚ್ಚರ.!

•   Tue, Mar 28 2023 11:27:07 AM



• ಬೆಂಗಳೂರು, ಮಾ 28 (DaijiworldNews/MS): ಎಲ್ಲರಿಗೂ ಆಧಾರ್ ಕಾರ್ಡ್‌ನೊಂದಿಗೆ ಪ್ಯಾನ್ (ಶಾಶ್ವತ ಖಾತೆ ಸಂಖ್ಯೆ) ಕಾರ್ಡ್ ಲಿಂಕ್ ಮಾಡುವುದನ್ನು ಭಾರತ ಸರ್ಕಾರವು ಈಗ ಕಡ್ಡಾಯಗೊಳಿಸಿದೆ. ಈ ವರ್ಷದ ಮಾರ್ಚ್ 31ರ ಒಳಗಾಗಿ ನೀವು ಈ ಎರಡು ಪ್ರಮುಖ ದಾಖಲೆಗಳನ್ನು ಲಿಂಕ್ ಮಾಡಲು ಅವಕಾಶ ನೀಡಲಾಗಿದ್ದು, ಈ ಸಮಯದ ಒಳಗಾಗಿ ನೀವು ಈ ಕೆಲಸವನ್ನು ಮಾಡದಿದ್ದರೆ, ನಿಮ್ಮ ಪ್ಯಾನ್ ಕಾರ್ಡ್ ಅಮಾನ್ಯವಾಗುತ್ತದೆ ಎಂದು ಸರ್ಕಾರ ತಿಳಿಸಿದೆ.

  ಹೀಗಾಗಿ ಪ್ಯಾನ್ ಮತ್ತು ಆಧಾರ್‌ ಲಿಂಕ್‌ ಮಾಡೋಕೆ ಕೆಲವೇ ದಿನಗಳು ಬಾಕಿಯಿವೆ. ಈ ಎರಡು ಕಾರ್ಡ್ ಗಳನ್ನು ಲಿಂಕ್‌ ಮಾಡೋಕೆ ಜನರು ಸೈಬರ್‌ ಸೆಂಟರ್‌ಗಳತ್ತ ಧಾವಿಸುತ್ತಿದ್ದಾರೆ. ಆದರೆ, ಇದರಲ್ಲೂ ಗೋಲ್‌ ಮಾಲ್‌ ನಡೆಯುತ್ತಿದೆ.

  ಆದಾಯ ತೆರಿಗೆ ವೆಬ್‌ಸೈಟ್‌ ಬದಲಾಗಿ, ಬೇರೆ ಬೇರೆ ವೆಬ್ ಸೈಟ್‌ಗಳಲ್ಲಿ ನಕಲಿಯಾಗಿ ಪಾನ್ ಹಾಗೂ ಆಧಾರ್ ಕಾರ್ಡ್​​ ಲಿಂಕ್​ ಮಾಡಿ ಜನರಿಂದ‌ ಹಣ ದೋಚಲಾಗುತ್ತಿದೆ ಎಂಬ ಆರೋಪ ಕೇಳಿಬರುತ್ತಿದೆ.

  ಕೆಲ ಸೈಬರ್ ಸೆಂಟರ್​​ಗಳ‌ ಮಾಲೀಕರು, ಇನ್​​ಕಮ್ ಟ್ಯಾಕ್ಸ್​ ವೆಬ್​​ಸೈಟ್​ ಬದಲಾಗಿ, ಬೇರೆ ಬೇರೆ ವೆಬ್ ಸೈಟ್ ಗಳಲ್ಲಿ ಪಾನ್ ಹಾಗೂ ಆಧಾರ್ ಕಾರ್ಡ್​​ ಲಿಂಕ್​ ಮಾಡಿ ಜನರಿಂದ‌ ಹಣ ಹೊಡೆಯುತ್ತಿದ್ದಾರೆ. ಒಂದು ಸಾವಿರ ರೂಪಾಯಿ ದಂಡದ ಹಣದ ಜತೆ ಇದರ ಪ್ರೋಸೆಸಿಂಗ್ ಫೀಜ್ ಎಂದು ನೆಪ ಹೇಳಿ ಕೆಲವೆಡೆ 500 ರೂಪಾಯಿವರೆಗೆ ಹಣ ಪಡೆದುಕೊಳ್ಳಲಾಗುತ್ತಿದೆ ಆದ್ದರಿಂದ ಜನರು ಎಚ್ಚರವಾಗಿರುವುದು ಒಳಿತು.