ಆಕಾಂಕ್ಷಾ ದುಬೆ ಬೆನ್ನಲ್ಲೇ ಮತ್ತೊಂದು ನಟಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆ

•   Mon, Mar 27 2023 02:17:25 PM



• ಭುವನೇಶ್ವರ, ಮಾ 27 (DaijiworldNews/HR): ಭೋಜ್‌ ಪುರಿ ನಟಿ ಆಕಾಂಕ್ಷಾ ದುಬೆ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಬೆನ್ನಲ್ಲೇ ಮತ್ತೋರ್ವ ನಟಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಒಡಿಶಾದ ಬೋಲಂಗೀರ್ ಜಿಲ್ಲೆಯ ಸುದಾಪದದಲ್ಲಿ ನಡೆದಿದೆ.

  ರುಚಿಸ್ಮಿತಾ ಗುರು ಆತ್ಮಹತ್ಯೆ ಮಾಡಿಕೊಂಡ ನಟಿ.

  ಇನ್ನು ರುಚಿಸ್ಮಿತಾ ಗುರು ಒಡಿಶಾ ಭಾಷೆಯಲ್ಲಿ ಹತ್ತಾರು ಆಲ್ಬಂ ಸಾಂಗ್‌ ಗಳಲ್ಲಿ ನಟಿಸಿದ್ದು, 'ದುಲ್ಹನ್ ರಾಣಿ', 'ಚುರಾ ಪಾಸ್ತಾಬು', 'ಲವ್‌ ಸ್ಟೋರಿ', 'ತು ಮೋ ಡ್ರೀಮ್‌ ಗರ್ಲ್‌' ಮುಂತಾದ ಆಲ್ಬಂ ಸಾಂಗ್‌ ಗಳಲ್ಲಿ ನಟಿಸಿ ಜನಪ್ರಿಯತೆಯನ್ನು ಪಡೆದುಕೊಂಡಿದ್ದರು.

  ಕಳೆದ ಕೆಲ ದಿನಗಳಿಂದ ಅಂಕಲ್‌ ಮನೆಯಲ್ಲಿ ವಾಸಿಸುತ್ತಿದ್ದ ನಟಿ ಭಾನುವಾರ ರಾತ್ರಿ ಫ್ಯಾನ್ ಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.