'ಮೆಸ್ಸಿ ಕುರಿತು ಬರೆಯೋಲ್ಲ' - ವೈರಲ್ ಆಯ್ತು ಉತ್ತರ ಪ್ರತಿಕೆ, ತಾರೆಯಾದ ರಿಸಾ ಫಾತಿಮಾ

•   Sun, Mar 26 2023 12:12:12 PM



• ಕೇರಳ, ಮಾ 26 (DaijiworldNews/SB): "ನಾನು ಬರೆಯೋಲ್ಲ. ನಾನು ಬ್ರೆಜಿಲ್ ಅಭಿಮಾನಿ. ನೇಮರ್ ನನ್ನ ಇಷ್ಟದ ಆಟಗಾರ. ಮೆಸ್ಸಿಯನ್ನು ನಾನು ಇಷ್ಟಪಡೋಲ್ಲ". ನಾಲ್ಕನೇ ತರಗತಿಯ ವಾರ್ಷಿಕ ಪರೀಕ್ಷೆಯ ಪ್ರಶ್ನೆಪತ್ರಿಕೆಯಲ್ಲಿ ಖ್ಯಾತ ಫುಟ್ಬಾಲ್ ಆಟಗಾರ ಮೆಸ್ಸಿಯ ಕುರಿತು ಬರೆಯಿರಿ ಎಂಬ ಪ್ರಶ್ನೆ ಓದಿದ ತಕ್ಷಣ ಸಿಟ್ಟಿನಿಂದ ರಿಸಾ ಫಾತಿಮಾ ಎಂಬ ಬಾಲಕಿ ಬರೆದ ಉತ್ತರವಿದು. ಈ ಪ್ರಶ್ನೆ ಹಾಗೂ ಉತ್ತರ ಇದೀಗ ಕೇರಳಾದ್ಯಂತ ಸಮಾಜಿಕ ಜಾಲತಾಣಗಳಲ್ಲಿ ಅತ್ಯಂತ ವೈರಲ್ ಆಗುತ್ತಿದೆ.!

  ಪ್ರಶ್ನೆಯನ್ನು ಓದಿದ ನಂತರ ಫಾತಿಮಾ ಉತ್ತರ ನೀಡುವುದು ಬೇಡ ಎಂಬ ನಿರ್ಧಾರಕ್ಕೆ ಬಂದಿದ್ದಳು. ಆದರೂ ಫಾತಿಮಾಳಿಗೆ ತನ್ನ ಇಷ್ಟ ಆಟಗಾರನಾದ ಬ್ರಿಜಿಲಿನ ನೇಮರ್ ಕುರಿತು ತನ್ನ ಅಭಿಮಾನ ಪ್ರಕಟಿಸಬೇಕೆಂದು ತೋರಿತು. ಐದು ಅಂಕಗಳು ನಶ್ಟವಾದರೂ ಪರವಾಗಿಲ್ಲ ಎಂಬ ನಿರ್ಧಾರಕ್ಕೆ ಬಂದ ಫಾತಿಮಾ ತನ್ನ ನೇಮರ್ ಮೇಲಿನ ಅಭಿಮಾನವನ್ನು ಪ್ರಶ್ನೆಗೆ ಉತ್ತರ ರೂಪದಲ್ಲಿ ತೋರಿಸಿಕೊಟ್ಟಲು. ಉತ್ತರ ಪತ್ರಿಕೆ ವೈರಲ್ ಆಗುತ್ತಿದ್ದಂತೆ ಕೇರಳದ ಲಕ್ಷಕ್ಕೂ ಮಿಕ್ಕಿ ನೇಮರ್ ಅಭಿಮಾನಿಗಳನ್ನು ರಿಸಾ ಫಾತಿಮಾಳನ್ನು ಮೆಚ್ಚಿ ಕೊಂಡಾಡುತ್ತಿದ್ದಾರೆ. ರಿಸಾ ಫಾತಿಮಾ ತಿರೂರು ಪುದುಪಳ್ಳಿ ಶಾಸ್ತಾ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿನಿ.

  ಮಳಯಾಲಂ ಪರೀಕ್ಷೆಯ ಪ್ರಶ್ನೆ ಪತ್ರಿಕೆಯಲ್ಲಿ ಮೆಸ್ಸಿ ಚಿತ್ರ ಮುದ್ರಿಸಿ ಕೇಳಲಾದ ಪ್ರಶ್ನೆಗೆ ವಿದ್ಯಾರ್ಥಿಗಳ ಉತ್ತರಗಳನ್ನು ಪರಿಶೀಲಿಸುತ್ತಿದ್ದ ಶಿಕ್ಷಕಿ ಆರಂಭದಲ್ಲಿ ರಿಸಾ ಫಾತಿಮಾ ಬರೆದ ಉತ್ತರ ನೋಡಿ ದಂಗಾದರು. ನಂತರ ವಿದ್ಯಾರ್ಥಿನಿಯ ಕ್ರೀಡಾಭಿಮಾನವನ್ನು ಅರಿತು ಉತ್ತರ ಪತ್ರಿಕೆಯನ್ನು ಪೋಷಕರ ವಾಟ್ಸಪ್ ಗ್ರೂಪಿನಲ್ಲಿ ಹಂಚಿಕೊಂಡರು. ಇದೀಗ ಕೇರಳಾದ್ಯಂತ ರಿಸಾ ಫಾತಿಮಾ ಹೊಸ ವೈರಲ್ ತಾರೆ.