ಜಾನ್ ರೋಡ್ರಿಗಸ್ ಪೂನಾದ ಬಿಷಪ್ ಆಗಿ ನೇಮಕ

•   Sun, Mar 26 2023 10:15:36 AM



• ಬೆಂಗಳೂರು, ಮಾ 26 (DaijiworldNews/HR): ಬಾಂಬೆಯ ಆಕ್ಸಿಲಿಯರಿ ಬಿಷಪ್ ವಂದನೀಯ ಜಾನ್ ರೋಡ್ರಿಗಸ್ (56) ಅವರನ್ನು ಪೂನಾದ ಬಿಷಪ್ ಆಗಿ ಪೋಪ್ ಫ್ರಾನ್ಸಿಸ್ ಅವರು ನೇಮಕ ಮಾಡಿದ್ದಾರೆ.

  ಬಿಷಪ್ ಜಾನ್ ರೋಡ್ರಿಗಸ್ ಅವರು 21 ಆಗಸ್ಟ್ 1967 ರಂದು ಮುಂಬೈನಲ್ಲಿ ಜನಿಸಿದ್ದು, 18 ಏಪ್ರಿಲ್ 1998 ರಂದು ಬಾಂಬೆ ಆರ್ಚ್‌ ಡಯಾಸಿಸ್‌ಗಾಗಿ ಪಾದ್ರಿಯಾಗಿ ನೇಮಕಗೊಂಡರು. ಅವರ ದೀಕ್ಷೆಯ ಬಳಿಕ ಸೈಂಟ್ ಮೈಕೆಲ್ ಚರ್ಚ್, ಮಾಹಿಮ್ (1998-1999), ಬಾಂಬೆ ಆರ್ಚ್‌ಬಿಷಪ್‌ನ ಕಾರ್ಯದರ್ಶಿ (1999-2000), ಸಿಸ್ಟಮ್ಯಾಟಿಕ್ ಥಿಯಾಲಜಿ ಪ್ರೊಫೆಸರ್, ಸೈಂಟ್ ಪಿಯಸ್ ಎಕ್ಸ್ ಕಾಲೇಜ್, (2002-2011) ನಲ್ಲಿ ಸಹಾಯಕ ಪ್ಯಾರಿಷ್ ಪಾದ್ರಿಯಾಗಿದ್ದರು. ಪುರೋಹಿತರ ಮಂಡಳಿಯ ಕಾರ್ಯದರ್ಶಿ, ಬಾಂಬೆಯ ಆರ್ಚ್ಡಯಸೀಸ್ (2010-2013), ಅಧ್ಯಯನಗಳ ಡೀನ್, ಸೈಂಟ್ ಪಿಯಸ್ ಎಕ್ಸ್ ಕಾಲೇಜು (2011-2013), "ಇಯರ್ ಆಫ್ ಫೇತ್" (2012-2013) ನ ಆರ್ಚ್ಡಯೋಸಿಸನ್ ಕೋ-ಆರ್ಡಿನೇಟರ್. 2013 ರಿಂದ ಅವರು ಸೈಂಟ್ ಪಯಸ್ ಎಕ್ಸ್ ಕಾಲೇಜಿನ ರೆಕ್ಟರ್ ಆಗಿದ್ದರು.

  ಇನ್ನು 15 ಮೇ 2013 ರಂದು ಬಾಂಬೆಯ ಸಹಾಯಕ ಬಿಷಪ್ ಆಗಿ ನೇಮಕಗೊಂಡು ಬಳಿಕ 29 ಜೂನ್ 2013 ರಂದು ಬಿಷಪ್ ಆಗಿ ನೇಮಕಗೊಂಡರು. ಅವರು 2019 ರಿಂದ ಬೈಬಲ್‌ನ ಸಿಸಿಬಿಐ ಆಯೋಗದ ಸದಸ್ಯರಾಗಿದ್ದಾರೆ. ಅವರು ಪ್ರಸ್ತುತ ಮುಂಬೈನ ಬಾಂದ್ರಾದ ಅವರ್ ಲೇಡಿ ಆಫ್ ದಿ ಮೌಂಟ್‌ನ ಬೆಸಿಲಿಕಾದ ರೆಕ್ಟರ್ ಆಗಿದ್ದಾರೆ.