ಆರು ಮಂದಿ ಹಾಲಿ ಶಾಸಕರ ಟಿಕೆಟ್‌ ಹೋಲ್ಡ್‌ ಮಾಡಿದ ಕಾಂಗ್ರೆಸ್‌

•   Sat, Mar 25 2023 12:54:00 PM



• ಬೆಂಗಳೂರು, ಮಾ 25 (DaijiworldNews/MS): ಕಾಂಗ್ರೆಸ್‌ 124ಅಭ್ಯರ್ಥಿಗಳ ಮೊದಲ ಪಟ್ಟಿ ಇಂದು ಬಿಡುಗಡೆ ಮಾಡಿದ್ದು, ಈ ಬಾರಿ ಒಟ್ಟು 66 ಹಾಲಿ ಶಾಸಕರ ಪೈಕಿ ಸದ್ಯಕ್ಕೆ ಆರು  ಮಂದಿಯ ಟಿಕೆಟ್‌ ಅನ್ನು ತಡೆಹಿಡಿದಿದೆ.

  ಪುಲಕೇಶಿನಗರದ ಅಖಂಡ ಶ್ರೀನಿವಾಸಮೂರ್ತಿ, ಶಿಡ್ಲಘಟ್ಟದ ವಿ. ಮುನಿಯಪ್ಪ, ಕುಂದಗೋಳದ ಕುಸುಮಾ ಶಿವಳ್ಳಿ, ಲಿಂಗಸುಗೂರು ಕ್ಷೇತ್ರದ ಡಿಎಸ್‌ ಹುಲಗೇರಿ ಅವರಿಗೆ ಮೊದಲ ಪಟ್ಟಿಯಲ್ಲಿ ಟಿಕೆಟ್‌ ನೀಡಿಲ್ಲ. ರಾಣೆಬೆನ್ನೂರಿನಲ್ಲಿ ಕೆಬಿ ಕೋಳಿವಾಡ ಪುತ್ರ ಪ್ರಕಾಶ್‌ಗೆ ಟಿಕೆಟ್‌ ನೀಡಲಾಗಿದೆ. ಇನ್ನು ಪಾವಗಡ ಶಾಸಕ ವೆಂಕಟರಮಣಪ್ಪ ತಾನು ಸ್ಪರ್ಧಿಸಲ್ಲ ಪುತ್ರನಿಗೆ ಟಿಕೆಟ್‌ ಕೊಡಿ ಎಂದು ಒತ್ತಾಯ ಮಾಡಿದ್ದರು.

  ಇದಲ್ಲದೆ ಬಿಜೆಪಿಗೆ ಕೈ ಕೊಟ್ಟು ಕಾಂಗ್ರೆಸ್ ಸೇರಿದ ಐವರಿಗೆ ಟಿಕೆಟ್ ನೀಡಲಾಗಿದೆ. ಹಿರೇಕೇರೂರು ಕ್ಷೇತ್ರದಲ್ಲಿ ಯುಬಿ ಬಣಕಾರ್ ಗೆ, ಹೊಸಪೇಟೆಯಲ್ಲಿ ಗವಿಯಪ್ಪಗೆ, ರಾಜಾಜಿನಗರದಲ್ಲಿ ಪುಟ್ಟಣ್ಣ, ಮಹದೇವಪುರದಲಿ ಎಚ್‌. ನಾಗೇಶ್‌, ಚಿಕ್ಕನಾಯಕನಹಳ್ಳಿಯಲ್ಲಿ ಕಿರಣ್ ಕುಮಾರ್ ಗೆ ಟಿಕೆಟ್ ನೀಡಲಾಗಿದೆ.