ಬಾಲಿವುಡ್‌ ನಿರ್ದೆಶಕ ಪ್ರದೀಪ್ ಸರ್ಕಾರ್ ನಿಧನ

•   Fri, Mar 24 2023 11:31:14 AM



• ಮುಂಬೈ, ಮಾ 24 (DaijiworldNews/MS): 'ಪರಿಣೀತಾ' ಚಿತ್ರ ಖ್ಯಾತಿಯ ಬಾಲಿವುಡ್‌ ನಿರ್ದೆಶಕ ಪ್ರದೀಪ್ ಸರ್ಕಾರ್ ( 67) ಶುಕ್ರವಾರ ಮುಂಜಾನೆ ಆಸ್ಪತ್ರೆಯಲ್ಲಿ ನಿಧನರಾದರು ಎಂದು ಅವರ ಪತ್ನಿ ಪಾಂಚಾಲಿ ತಿಳಿಸಿದ್ದಾರೆ. ಇಂದು ಸಂಜೆ 4 ಗಂಟೆಗೆ ಸಾಂತಾಕ್ರೂಜ್‌ನಲ್ಲಿರುವ ಸ್ಮಶಾನದಲ್ಲಿ ಅಂತ್ಯಕ್ರಿಯೆಯ ವ್ಯವಸ್ಥೆ ಮಾಡಲಾಗಿದೆ.

  ಮಾರ್ಚ್ 22 ರಂದು ಅವರಿಗೆ ವೈರಲ್ ಜ್ವರ ಕಾಣಿಸಿಕೊಂಡಿತ್ತು. ಕೆಲವು ಔಷಧಿ ತೆಗೆದುಕೊಂಡರೂ ಜ್ವರ ಕಡಿಮೆಯಾದರೂ ಸಂಪೂರ್ಣ ಗುಣಮುಖರಾಗಿರಲಿಲ್ಲ. ಈ ಹಿನ್ನೆಲೆಯಲ್ಲಿ ಬಾಂದ್ರಾದ ಲೀಲಾವತಿ ಆಸ್ಪತ್ರೆಯ ಐಸಿಯುಗೆ ದಾಖಲಿಸಲಾಗಿತ್ತು. ಆಸ್ಪತ್ರೆಯಲ್ಲಿ ಬೆಳಗಿನ ಜಾವ 3.10ರಿಂದ 3.30ರ ನಡುವೆ ಕೊನೆಯುಸಿರೆಳೆದಿದ್ದಾರೆ ಎಂದು ಅವರ ಪತ್ನಿ ತಿಳಿಸಿದ್ದಾರೆ.

  ಪ್ರದೀಪ್‌ ಸರ್ಕಾರ್ 2005 ರಲ್ಲಿ 'ಪರಿಣೀತಾ' ಚಿತ್ರದ ಮೂಲಕ ನಿರ್ದೇಶಕರಾಗಿ ಪದಾರ್ಪಣೆ ಮಾಡಿದರು. 'ಲಗಾ ಚುನಾರಿ ಮೇ ದಾಗ್'(2007), 'ಲಫಾಂಗೆ ಪರಿಂದೇ' (2010), 'ಮರ್ದಾನಿ' (2014), ಮತ್ತು 'ಹೆಲಿಕಾಪ್ಟರ್ ಈಲಾ' ( 2018) ಅವರ ನಿರ್ದೇಶನದ ಚಿತ್ರಗಳಾಗಿತ್ತು.

  ಬಾಲಿವುಡ್ ತಾರೆಯರು ಪ್ರದೀಪ್ ಸರ್ಕಾರ್‌ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ.