ರಸ್ತೆ ಅಪಘಾತ - ಆಂಬ್ಯುಲೆನ್ಸ್‌ನಲ್ಲೇ 10 ನೇ ತರಗತಿ ಬೋರ್ಡ್ ಪರೀಕ್ಷೆ ಬರೆದ ವಿದ್ಯಾರ್ಥಿನಿ

•   Tue, Mar 21 2023 01:14:00 PM



• ಮುಂಬೈ, ಮಾ 21 (DaijiworldNews/HR): ಅಪಘಾತದಿಂದಾಗಿ ಬಾಂದ್ರಾದ 10ನೇ ತರಗತಿ ವಿದ್ಯಾರ್ಥಿನಿ ಸೋಮವಾರ ಆಂಬ್ಯುಲೆನ್ಸ್‌ನಲ್ಲಿ ಬೋರ್ಡ್ ಪರೀಕ್ಷೆ ಬರೆದಿರುವ ಘಟನೆ ನಡೆದಿದೆ.

  ವಿಜ್ಞಾನ 1 ಪರೀಕ್ಷೆಯನ್ನು ಶುಕ್ರವಾರ ಮುಗಿಸಿ ಅಂಜುಮನ್-ಐ-ಇಸ್ಲಾಂ ಶಾಲೆಯ ವಿದ್ಯಾರ್ಥಿನಿ ಮುಬಾಶಿರಾ ಸಾದಿಕ್ ಸಯ್ಯದ್ ರಸ್ತೆ ದಾಟುತ್ತಿದ್ದಾಗ ಹಿಲ್ ರೋಡ್‌ನ ಸೇಂಟ್ ಜೋಸೆಫ್ ಕಾನ್ವೆಂಟ್ ಬಳಿ ಮಧ್ಯಾಹ್ನ 1.30 ರ ಸುಮಾರಿಗೆ ಕಾರು ಅವರಿಗೆ ಡಿಕ್ಕಿ ಹೊಡೆದು ಆಕೆಯ ಎಡ ಪಾದಕ್ಕೆ ಗಂಭೀರವಾದ ಗಾಯಗಳಾಗಿದ್ದು, ಅದೇ ದಿನ ಆಕೆಗೆ ಶಸ್ತ್ರಚಿಕಿತ್ಸೆ ಮಾಡಬೇಕಾಯಿತು.

  ಇನ್ನು ಆಪರೇಷನ್ ಥಿಯೇಟರ್‌ಗೆ ಪ್ರವೇಶಿಸುವ ಮೊದಲು, ಅವಳು ತನ್ನ ಶಾಲಾ ಶಿಕ್ಷಕರಿಗೆ ಪರೀಕ್ಷೆಗೆ ಹಾಜರಾಗಲು ಬಯಸುವುದಾಗಿ ಹೇಳಿದ್ದು, ಅಂಜುಮನ್-ಐ-ಇಸ್ಲಾಂನ ಡಾ ಎಂಐಜೆ ಬಾಲಕಿಯರ ಪ್ರೌಢಶಾಲೆಯ ಪ್ರಾಂಶುಪಾಲರಾದ ಸಾಬಾ ಪಟೇಲ್ ಅವರು ಆಸ್ಪತ್ರೆಯಲ್ಲಿ ಮುಬಾಶಿರಾ ಮತ್ತು ಅವರ ಕುಟುಂಬ ಸದಸ್ಯರೊಂದಿಗೆ ಮಾತುಕತೆ ನಡೆಸಿ ಎಕ್ಸಾಂ ಬರೆಯಲು ಅನುಮತಿ ನೀಡಿದ್ದಾರೆ.