ರೈಲು ನಿಲ್ದಾಣದಲ್ಲಿ ಅಶ್ಲೀಲ ವಿಡಿಯೋ ಪ್ರದರ್ಶನ - ಮುಜುಗರಗೊಂಡ ಪ್ರಯಾಣಿಕರು

•   Mon, Mar 20 2023 12:58:34 PM



• ಪಾಟ್ನಾ, ಮಾ 20 (DaijiworldNews/HR): ಬಿಹಾರದ ರಾಜಧಾನಿ ಪಾಟ್ನಾ ರೈಲು ನಿಲ್ದಾಣದ ಎಲ್ಲಾ ಟಿವಿ ಸ್ಕ್ರೀನ್ ಗಳಲ್ಲಿ ಫೋರ್ನ್ ಕ್ಲಿಪ್ ಪ್ರದರ್ಶನವಾದ್ದರಿಂದ ಪ್ರಯಾಣಿಕರು ಕೆಲಹೊತ್ತು ತಬ್ಬಿಬ್ಬಾದ ಪ್ರಸಂಗ ನಡೆದಿದೆ.

  ರೈಲು ನಿಲ್ದಾಣದ ಎಲ್ಲಾ ಟಿವಿ ಸ್ಕ್ರೀನ್ ಗಳಲ್ಲಿ ಮೂರು ನಿಮಿಷ ಅಶ್ಲೀಲ ವಿಡಿಯೋ ಕಾಣಿಸಿದ್ದು, ರೈಲಿಗಾಗಿ ಕಾಯುತ್ತಿದ್ದ ನೂರಾರು ಪ್ರಯಾಣಿಕರು ಇರುಸುಮುರುಸುಗೊಂಡಿದ್ದಾರೆ.

  ಇನ್ನು ಡಣಾಪುರ ವಿಭಾಗದ ರೈಲು ನಿಲ್ದಾಣಗಳಲ್ಲಿ ವೀಡಿಯೊ ಮತ್ತು ಚಲನಚಿತ್ರಗಳನ್ನು ಪ್ರಸಾರ ಮಾಡುವ ಗುತ್ತಿಗೆಯನ್ನು ಖಾಸಗಿ ಕಂಪನಿಗೆ ನೀಡಲಾಗಿದ್ದು, ರೈಲ್ವೆ ಸಂರಕ್ಷಣಾ ಪಡೆ (ಆರ್‌ಪಿಎಫ್) ಅಧಿಕಾರಿಗಳು ತಕ್ಷಣ ಅವರನ್ನು ಸಂಪರ್ಕಿಸಿ ಪ್ರಸಾರವನ್ನು ನಿಲ್ಲಿಸಿದ್ದಾರೆ.