ವಿದ್ಯುತ್ ಸ್ಥಾವರನಲ್ಲಿ ಲಿಫ್ಟ್ ಕೇಬಲ್ ತುಂಡಾಗಿ ಬಿದ್ದು ಮೂವರು ಮೃತ್ಯು

•   Sat, Mar 18 2023 02:43:08 PM



• ಆಂಧ್ರಪ್ರದೇಶ, ಮಾ (DaijiworldNews/HR): ಆಂಧ್ರಪ್ರದೇಶದ ವಿಜಯವಾಡ ಶಾಖೋತ್ಪನ ವಿದ್ಯುತ್ ಸ್ಥಾವರ (ವಿಟಿಪಿಎಸ್) ನಲ್ಲಿ ಎಲಿವೇಟರ್ ಕೇಬಲ್ ತುಂಡಾಗಿ ಮೂವರು ಸಾವನ್ನಪ್ಪಿರುವ ಘಟನೆ ನಡೆದಿದೆ.

  ಘಟನೆ ನಡೆದ ಸ್ಥಳಕ್ಕೆ ವಿಟಿಪಿಎಸ್ ಸಿಬ್ಬಂದಿ ಹಾಗೂ ಕಾರ್ಮಿಕರು ಕೂಡಲೇ ಸ್ಥಳಕ್ಕೆ ತೆರಳಿದ್ದು, ರಕ್ಷಣಾ ಕಾರ್ಯಾಚರಣೆ ಕೈಗೊಂಡಿದ್ದಾರೆ.

  ಇನ್ನು ಅಪಘಾತ ಸಂಭವಿಸಿದಾಗ 8 ಜನರು ಲಿಫ್ಟ್‌ನಲ್ಲಿ ಇದ್ದು, ಗಾಯಾಳುಗಳನ್ನು ಆಸ್ಪತ್ರೆಗೆ ರವಾನಿಸಲಾಗಿದೆ ಎಂದು ತಿಳಿದು ಬಂದಿದೆ.

  ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಕೈಗೊಂಡಿದ್ದಾರೆ.