ಕಾರಿಗೆ ಢಿಕ್ಕಿ ಹೊಡೆದ ಟ್ರಕ್ - 6 ಮಂದಿ ಮೃತ್ಯು

•   Fri, Mar 03 2023 12:08:56 PM



• ಹರಿಯಾಣ, ಮಾ 03 (DaijiworldNews/HR): ವೇಗವಾಗಿ ಚಲಿಸುತ್ತಿದ್ದ ಟ್ರಕ್, ಕಾರಿಗೆ ಡಿಕ್ಕಿ ಹೊಡೆದ ಪರಿಣಾಮ 6 ಮಂದಿ ಮೃತಪಟ್ಟಿರುವ ಗಟನೆ ಫರಿದಾಬಾದ್–ಗುರುಗ್ರಾಮ ರಸ್ತೆಯಲ್ಲಿ ನಡೆದಿದೆ.

  ಮೃತರನ್ನು ಪುತಿನ್, ಜತಿನ್, ಆಕಾಶ್, ಸಂದೀಪ್, ಬಲ್ಜೀತ್ ಮತ್ತು ವಿಸಾಲ್ ಎಂದು ಗುರುತಿಸಲಾಗಿದೆ.

  ಮೃತರೆಲ್ಲರೂ ಪಲವಲ್‌ ನಗರದವರಾಗಿದ್ದು, ಮಾರುತಿ ಆಲ್ಟೊ ಕಾರಿನಲ್ಲಿ ಗುರುಗ್ರಾಮದಿಂದ ಫರಿದಾಬಾದ್‌ಗೆ ತೆರಳುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. 6 ಮಂದಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.

  ಮೃತದೇಹಗಳನ್ನು ಬಿ.ಕೆ. ಆಸ್ಪತ್ರೆಗೆ ರವಾನಿಸಲಾಗಿದೆ. ಮೃತರೆಲ್ಲರೂ 18–25 ವರ್ಷ ವಯಸ್ಸಿನವರಾಗಿದ್ದಾರೆ.

  ಟ್ರಕ್ ಚಾಲಕ ಪರಾರಿಯಾಗಿದ್ದು, ಪೊಲೀಸರು ಆತನಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.