ನವದೆಹಲಿ, ಫೆ 23 (DaijiworldNews/HR): ಈ ಬಾರಿಯ ಬಜೆಟ್ ಜಾಗತಿಕ ಹಸಿರು ಇಂಧನ ಮಾರುಕಟ್ಟೆಯಲ್ಲಿ ಭಾರತವನ್ನು ಪ್ರಮುಖ ಆಟಗಾರನಾಗಿ ಸ್ಥಾಪಿಸುತ್ತದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.
ಬಜೆಟ್ ನಂತರದ ಮೊದಲ ವೆಬ್ನಾರ್ನಲ್ಲಿ ಮಾತನಾಡಿದ ಅವರು, ಈ ಬಜೆಟ್ ಜಾಗತಿಕ ಹಸಿರು ಇಂಧನ ಮಾರುಕಟ್ಟೆಯಲ್ಲಿ ಭಾರತವನ್ನು ಪ್ರಮುಖ ಆಟಗಾರನಾಗಿ ಸ್ಥಾಪಿಸುತ್ತದೆ ಎಂದರು.
ಇನ್ನು ಇಂಧನ ಪ್ರಪಂಚದೊಂದಿಗೆ ಸಂಬಂಧಿಸಿದ ಎಲ್ಲಾ ಪಾಲುದಾರರನ್ನು ಭಾರತದಲ್ಲಿ ಹೂಡಿಕೆ ಮಾಡಲು ನಾನು ಆಹ್ವಾನಿಸುತ್ತೇನೆ ಎಂದಿದ್ದಾರೆ.
ಈ ಬಜೆಟ್ ಭಾರತದ ಭವಿಷ್ಯದ ಭದ್ರತೆಗೆ ಒಂದು ಅವಕಾಶವಾಗಿದ್ದು, ನಾವು ಬಜೆಟ್ ನೀತಿಗಳನ್ನು ಜಾರಿಗೆ ತರಲು ಸಾಮೂಹಿಕವಾಗಿ ಮತ್ತು ತ್ವರಿತವಾಗಿ ಕೆಲಸ ಮಾಡಬೇಕಾಗಿದೆ ಎಂದು ಹೇಳಿದ್ದಾರೆ.