ನವದೆಹಲಿ, ಫೆ 22 (DaijiworldNews/MS): ಟೆಲಿಮಾರ್ಕೆಟಿಂಗ್ ಕಂಪನಿಗಳಿಂದ ಆಗ್ಗಾಗ್ಗೆ ಬರುವ ಪ್ರಚಾರದ ಕರೆಗಳು, ಎಸ್ಸೆಮ್ಸೆಸ್ ಗಳು ಮೊಬೈಲ್ ಬಳಕೆದಾರರಿಗೆ ತೀರಾ ಕಿರಿಕಿರಿಯುಂಟು ಮಾಡುತ್ತದೆ. ತಮ್ಮ ಜಾಹೀರಾತು ಪ್ರಚಾರಕ್ಕಾಗಿ ಹಗಲು, ರಾತ್ರಿ ಎನ್ನದೆ ಕರೆ ಮಾಡುತ್ತಾರೆ., ಪ್ರಚಾರಕ್ಕಾಗಿ ಬಳಕೆದಾರರಿಗೆ ಕರೆ ಅಥವಾ ಸಂದೇಶ ಮಾಡಲಾಗುತ್ತದೆ ಇದು ಬಳಕೆದಾರರಿಗೆ ಬಹಳಷ್ಟು ತೊಂದರೆಗಳನ್ನು ಉಂಟುಮಾಡುತ್ತದೆ.
ಈಗ ಈ ಸಮಸ್ಯೆಯಿಂದ ಪಾರಾಗಲು ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಸಿದ್ಧತೆ ನಡೆಸಿದ್ದು ಆಯ್ದ 10 ಅಂಕಿಗಳ ಮೊಬೈಲ್ ಸಂಖ್ಯೆಗಳನ್ನು ನಿಲ್ಲಿಸಲು ಟ್ರಾಯ್ ನಿರ್ಧರಿಸಿದೆ. ಟ್ರಾಯ್ ನ ಈ ನಿರ್ಧಾರದಿಂದ ಟೆಲಿಮಾರ್ಕೆಟಿಂಗ್ ಕಂಪನಿಗಳಿಗೆ ದೊಡ್ಡ ಹೊಡೆತ ಬೀಳಲಿದೆ
ಬಳಕೆದಾರರಿಂದ ಅನಗತ್ಯ ಕರೆಗಳು ಅಥವಾ ಸಂದೇಶಗಳನ್ನು ನಿಗ್ರಹಿಸಲು ಟ್ರಾಯ್ ಟೆಲಿಕಾಂ ಕಂಪನಿಗಳಿಗೆ ವಿಶೇಷ ಸಂಖ್ಯೆಯನ್ನು ನೀಡಲಾಗಿದ್ದು ಇದು ಸಾಮಾನ್ಯ ಸಂಖ್ಯೆಗಿಂತ ಭಿನ್ನವಾಗಿದೆ.
TRAI ನ ಹೊಸ ಕ್ರಮವು SMS ಆಧಾರಿತ ಹಗರಣಗಳ ಮೇಲಿನ ಶಿಸ್ತುಕ್ರಮದ ಭಾಗವಾಗಿದೆ. SMS ಮೂಲಕ ಜಾಹೀರಾತುಗಳನ್ನು ಕಳುಹಿಸುವಾಗ XY-ABCDEF ಸ್ವರೂಪವನ್ನು ಬಳಸಬೇಕು. ಈ ಸ್ವರೂಪಕ್ಕೆ ಮಾತ್ರ SMS ಕಳುಹಿಸಲು ಅನುಮತಿಸಲಾಗಿದೆ. ಇವುಗಳನ್ನು ಅಧಿಕೃತ SMS ಹೆಡರ್ಗಳಾಗಿ ಸ್ವೀಕರಿಸಲಾಗುತ್ತದೆ.
.