ಹೆಣ್ಣು ಮಕ್ಕಳ ಮದುವೆ ವಯಸ್ಸು ಹೆಚ್ಚಳ - ಅರ್ಜಿ ವಜಾಗೊಳಿಸಿದ ಸುಪ್ರೀಂ

•   Mon, Feb 20 2023 04:56:38 PM



• ನವದೆಹಲಿ, ಫೆ 20 (DaijiworldNews/MS): ದೇಶದಲ್ಲಿ ಹೆಣ್ಣು ಮಕ್ಕಳ ಗಂಡು ಇಬ್ಬರಿಗೂ ಮದುವೆಗೆ ಏಕರೂಪದ ಕನಿಷ್ಠ ವಯಸ್ಸನ್ನು ಕೋರಿ ಸಲ್ಲಿಸಲಾದ ಮನವಿಯನ್ನು ಸುಪ್ರೀಂ ಕೋರ್ಟ್ ಸೋಮವಾರ ವಜಾಗೊಳಿಸಿದೆ.

  ಹೆಣ್ಣು ಮಕ್ಕಳ ಮದುವೆ ವಯಸ್ಸನ್ನು ಎಲ್ಲಾ ಧರ್ಮಗಳಲ್ಲಿ 18ರಿಂದ ಗಂಡು ಮಕ್ಕಳ ವಯಸ್ಸಿ(21ವರ್ಷ)ಗೆ ಸಮಾನವಾಗಿಸಬೇಕೆಂದು ಕೋರಿ ಸಲ್ಲಿಸಲಾಗಿತ್ತು.

  ವಕೀಲ ಅಶ್ವಿನಿ ಉಪಾಧ್ಯಾಯ ಸಲ್ಲಿಸಿದ್ದ ಅರ್ಜಿಗೆ ಸಿಜೆಐ ಪೀಠ 'ಇದು ನಮ್ಮ ಕಾರ್ಯವ್ಯಾಪ್ತಿಗೆ ಬರುವುದಿಲ್ಲ. ನಾವು ಇಲ್ಲಿ ಕಾನೂನು ರೂಪಿಸಲು ಸಾಧ್ಯವಿಲ್ಲ. ಕಾನೂನು ತಿದ್ದುಪಡಿಯ ಹಕ್ಕು ಸರಕಾರಕ್ಕಿದ್ದು ಸಂಸತ್ತಿನಲ್ಲಿ ಕಾನೂನು ತರುವಂತೆ ಆದೇಶಿಸಲು ಸಾಧ್ಯವಿಲ್ಲ. ಈಗಿನ ಮಿತಿ ರದ್ದುಗೊಳಿಸಿದರೆ ಮದುವೆಗೆ ಕನಿಷ್ಠ ವಯಸ್ಸು ಇರುವುದಿಲ್ಲʼ ಎಂದು ಹೇಳಿದೆ.

  ಮದುವೆ ವಯಸ್ಸಿನ ವ್ಯತ್ಯಾಸವು ಲಿಂಗ ಸಮಾನತೆ, ಲಿಂಗ ನ್ಯಾಯ ಮತ್ತು ಮಹಿಳೆಯರ ಘನತೆಯ ತತ್ವಗಳನ್ನು ಉಲ್ಲಂಘಿಸುತ್ತದೆ ಎಂದು ಅರ್ಜಿಯಲ್ಲಿ ಮನವಿ ಮಾಡಲಾಗಿತ್ತು.