ಅಧಿಕಾರಿಗಳಿಗೆ ಹೆದರಿ ಜೈಲು ತಪಾಸಣೆ ವೇಳೆ ಮೊಬೈಲ್‌ ನುಂಗಿದ ಕೈದಿ!

•   Mon, Feb 20 2023 01:04:01 PM



• ಗೋಪಾಲಗಂಜ್‌, ಫೆ 20 (DaijiworldNews/HR): ಬಿಹಾರದ ಗೋಪಾಲಗಂಜ್‌ ಜಿಲ್ಲಾ ಜೈಲಿನಲ್ಲಿ ತಪಾಸಣೆ ವೇಳೆ ಅಧಿಕಾರಿಗಳ ಭಯದಿಂದ ಕೈದಿಯೊಬ್ಬ ಮೊಬೈಲ್‌ ಫೋನ್ ನುಂಗಿದ ಘಟನೆ ನಡೆದಿದೆ.

  ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ಜೈಲು ಶಿಕ್ಷೆ ಅನುಭವಿಸುತ್ತಿರುವ ಕ್ವೈಷರ್‌ ಅಲಿ ಎಂಬಾತ ತಪಾಸಣೆ ವೇಳೆ ಮೊಬೈಲ್ ನುಂಗಿದ್ದು, ಆತನಿಗೆ ಭಾರೀ ಹೊಟ್ಟೆನೋವು ಕಾಣಿಸಿಕೊಂಡಿದ್ದು, ಈ ವೇಳೆ ತಾನು ಮೊಬೈಲ್‌ ನುಂಗಿರುವುದಾಗಿ ಹೇಳಿದ್ದಾನೆ.

  ಇನ್ನು ತಕ್ಷಣವೇ ಆತನನ್ನು ಆಸ್ಪತ್ರೆ ಸಾಗಿಸಿ ಎಕ್ಸ್‌-ರೇ ಮಾಡಿಸಲಾಗಿದ್ದು, ಆತನ ಉದರದಲ್ಲಿ ಮೊಬೈಲ್‌ ಇರುವುದು ಪತ್ತೆಯಾಗಿದೆ.

  ಈ ಘಟನೆ ಬಗ್ಗೆ ಅಧ್ಯಯನಕ್ಕೆ ಆಸ್ಪತ್ರೆಯು ಮೆಡಿಕಲ್‌ ಬೋರ್ಡ್‌ ರಚಿಸಿದ್ದು, ಹೆಚ್ಚಿನ ಚಿಕಿತ್ಸೆ ನೀಡಲು ಕೈದಿನ್ನು ಪಟ್ನಾ ಮೆಡಿಕಲ್‌ ಕಾಲೇಜಿಗೆ ರವಾನಿಸಲಾಗಿದೆ.