ಜಮ್ಮು ಕಾಶ್ಮೀರದಲ್ಲಿ ಭೂಕುಸಿತ - 13 ಮನೆ ನೆಲಸಮ, ಸಂತ್ರಸ್ಥರನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರ

•   Mon, Feb 20 2023 11:43:35 AM



• ಶ್ರೀನಗರ, ಫೆ 20 (DaijiworldNews/HR): ಜಮ್ಮು-ಕಾಶ್ಮೀರದ ರಾಂಬನ್ ಜಿಲ್ಲೆಯ ಸಂಗಲ್ದನ್‍ಗೂಲ್ ರಸ್ತೆ ಸಮೀಪದ ಗೂಲ್ ತಹಸಿಲ್‍ನ ಸಂಗಲ್ದಾನ್ ದುಕ್ಸರ್ ದಲ್ವಾದ ಸುಮಾರು ಒಂದು ಚದುರ ಕಿ.ಮೀ ಪ್ರದೇಶದಲ್ಲಿ ಸಂಭವಿಸಿದ ಭೂಕುಸಿತಕ್ಕೆ 13 ಮನೆಗಳು ನೆಲಸಮವಾಗಿದ್ದು, ಸಂತ್ರಸ್ಥ ಕುಟುಂಬಗಳನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರ ಮಾಡಲಾಗಿದೆ.

  ಭೂಕುಸಿತದಿಂದಾಗಿ 33 ಕೆವಿ ವಿದ್ಯುತ್‍ಲೈನ್ ಹಾಗೂ ಪ್ರಮುಖ ನೀರು ಸಂಪರ್ಕ ಪೈಪ್‍ಲೈನ್‍ಗೆ ಭಾರಿ ಅಪಾಯ ಉಂಟಾಗಿದ್ದು, ಭೂ ಕುಸಿತಕ್ಕೆ ಕಾರಣ ಕಂಡು ಹಿಡಿಯುವಂತೆ ರಾಂಬನ್ ಡಿಸಿ ಮುಸ್ಸರತ್ ಇಸ್ಲಾಂ ಅವರು ಭೂ ವಿಜ್ಞಾನ ಗಣಿಗಾರಿಕೆ ಇಲಾಖೆಯ ವಿಜ್ಞಾನಿಗಳಿಗೆ ಮನವಿ ಮಾಡಿಕೊಂಡಿದ್ದಾರೆ.

  ಇನ್ನು ಗೂಲ್ ತಹಸಿಲ್ ಪ್ರಧಾನ ಕಛೇರಿಗಾಗಿ ಪರ್ಯಾಯ ರಸ್ತೆಯನ್ನು ರಚಿಸಲು ತುರ್ತು ವ್ಯವಸ್ಥೆ ಮಾಡಲು ಜನರಲ್ ರಿಸರ್ವ್ ಇಂಜಿನಿಯರಿಂಗ್ ಫೋರ್ಸ್ ಕಳುಹಿಸುವಂತೆಯೂ ಅವರು ಮನವಿ ಮಾಡಿಕೊಂಡಿದ್ದಾರೆ.