ಪಂಜಾಬ್, ಫೆ 19 (DaijiworldNes/HR): ಪಂಜಾಬಿನ ಗುರುದಾಸ್ಪುರದ ಭಾರತ-ಪಾಕಿಸ್ತಾನ ಅಂತಾರಾಷ್ಟ್ರೀಯ ಗಡಿಯ ಬಳಿ ಡ್ರೋನ್ ಮತ್ತು ಹೆರಾಯಿನ್ ಅನ್ನು ಬಿಎಸ್ಎಫ್ ವಶಪಡಿಸಿಕೊಂಡಿರುವ ಘಟನೆ ನಡೆದಿದೆ.
ಅಂತಾರಾಷ್ಟ್ರೀಯ ಗಡಿಯಲ್ಲಿ ಪಾಕಿಸ್ತಾನಿ ಕಳ್ಳಸಾಗಣೆದಾರರೊಂದಿಗೆ ಗಡಿ ಭದ್ರತಾ ಪಡೆ ಗುಂಡಿನ ಚಕಮಕಿ ನಡೆಸಿದ್ದು, ದಾಳಿಯಲ್ಲಿ ಡ್ರೋನ್ ಸೇರಿದಂತೆ 20 ಪ್ಯಾಕೆಟ್ ಹೆರಾಯಿನ್ ಮತ್ತು ಶಸ್ತ್ರಾಸ್ತ್ರ ಹಾಗೂ ಮದ್ದುಗುಂಡುಗಳ ಸಂಗ್ರಹವನ್ನು ವಶಪಡಿಸಿಕೊಂಡಿದೆ ಎಂದು ಬಿಎಸ್ ಎಫ್ ತಿಳಿಸಿದೆ.
ಇನ್ನು ಗಡಿ ಭದ್ರತಾ ಪಡೆಯ 113 ಬೆಟಾಲಿಯನ್ ಶನಿವಾರ ಮುಂಜಾನೆ ಗುರುದಾಸ್ಪುರದ ಖಾಸಾವಲಿ ಗ್ರಾಮದ ಬಳಿ ಬೇಲಿ ಹಾಕುವ ಮುನ್ನ ಕಳ್ಳಸಾಗಾಣಿಕೆದಾರರ ಅನುಮಾನಾಸ್ಪದ ಚಲನವಲನವನ್ನು ಗಮನಿಸಿದ್ದು, ಗುಂಡಿನ ಚಕಮಕಿ ಪ್ರಾರಂಭಿಸಿದ್ದವು ಎಂದು ವರದಿಯಾಗಿದೆ.