’ಕಿವಿ ಮೇಲೆ ಹೂ’ - ಬೊಮ್ಮಾಯಿ ವಿರುದ್ಧ ಮತ್ತೆ ಪೋಸ್ಟರ್‌ ಅಭಿಯಾನ

•   Sat, Feb 18 2023 01:06:38 PM



• ಬೆಂಗಳೂರು, ಫೆ 18 (DaijiworldNews/MS): ಈ ಹಿಂದೆ ಪೇ ಸಿಎಂ ಎಂಬ ಪೋಸ್ಟರ್‌ ಅಭಿಯಾನ ಮಾಡಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದ್ದ ಕಾಂಗ್ರೆಸ್‌ ನಾಯಕರು ಈಗ "ಸಾಕಪ್ಪ ಸಾಕು ಕಿವಿ ಮೇಲೆ ಹೂವಿಟ್ಟಿದ್ದು" ಎನ್ನುವ ಮತ್ತೊಂದು ಪೋಸ್ಟರ್‌ ಅಭಿಯಾನ ಪ್ರಾರಂಭಿಸಿದ್ದಾರೆ.

  ಬೆಂಗಳೂರಿನ ಸುಮಾರು 24 ಕ್ಷೇತ್ರಗಳ ವ್ಯಾಪ್ತಿಯಲ್ಲಿ ಮೂರು ಮಾದರಿಯ ಪೋಸ್ಟರ್‌ಗಳನ್ನು ನಿನ್ನೆ ತಡರಾತ್ರಿ ಯೂತ್‌ ಕಾಂಗ್ರೆಸ್‌ನ ಮುಖಂಡರು ಅಂಟಿಸಿದ್ದಾರೆ ಎಂದು ವರದಿಯಾಗಿದೆ.

  ಈ ಪೋಸ್ಟರ್‌ನಲ್ಲಿ ಪ್ರಧಾನಿ ಮೋದಿ ಫೋಟೊ ಹಾಕಿ ಮುಖದ ಮೇಲಿನ ಭಾಗಕ್ಕೆ ಕಿವಿ ಮೇಲಿನ ಹೂವಿನ ಚಿತ್ರ ಅಂಟಿಸಲಾಗಿದೆ. ಭರವಸೆ, ಭರವಸೆ ಬುರುಡೆ ಭರವಸೆ ಎಂಬ ವಾಕ್ಯವನ್ನು ಬರೆಯಲಾಗಿದೆ.