ಆರ್ಡರ್ ಮಾಡಿದ್ದು 12 ಸಾವಿರ ರೂ.ಗಳ ಎಲೆಕ್ಟ್ರಿಕ್ ಟೂತ್ ಬ್ರಷ್, ಬಂದದ್ದು ಮಸಾಲಾ ಪ್ಯಾಕ್!

•   Tue, Feb 14 2023 06:05:07 PM



• ನವದೆಹಲಿ, ಫೆ 14 (DaijiworldNews/DB): ಆನ್‌ಲೈನ್‌ನಲ್ಲಿ 12 ಸಾವಿರ ರೂ. ಮೌಲ್ಯದ ವಸ್ತುವೊಂದನ್ನು ಆರ್ಡರ್‍ ಮಾಡಿದ ಮಹಿಳೆಯೊಬ್ಬರಿಗೆ ಚಾಟ್ ಮಸಾಲಾ ಬಾಕ್ಸ್‌ಗಳು ಡೆಲಿವರಿ ಆದ ಪ್ರಸಂಗ ನಡೆದಿದೆ.

  ಈ ಬಗ್ಗೆ ಆನ್‌ಲೈನ್ ಶಾಪಿಂಗ್ ತಾಣ ಅಮೆಜಾನ್‌ನ್ನು ಟ್ವಿಟರ್‌ನಲ್ಲಿ ಟ್ಯಾಗ್ ಮಾಡಿ ಮಹಿಳೆ ಪ್ರಶ್ನಿಸಿದ್ದಾರೆ. ಮಹಿಳೆ ಹೇಳಿದ ಪ್ರಕಾರ, ಆಕೆಯ ತಾಯಿ 12 ಸಾವಿರ ರೂ. ಮೌಲ್ಯದ ಓರಲ್​ ಬಿ ಎಲೆಕ್ಟ್ರಿಕ್​ ಬ್ರಷ್​ನ್ನು ಆರ್ಡರ್‍ ಮಾಡಿದ್ದರು. ಆದರೆ ಡೆಲಿವರಿ ಆದ ಬಳಿಕ ಬಾಕ್ಸ್ ಬಿಚ್ಚಿ ನೋಡುವಾಗ ಆರ್ಡರ್ ಮಾಡಿದ ವಸ್ತುವಿನ ಬದಲಾಗಿ 4 ಎಂಡಿಎಚ್​ ಚಾಟ್​ ಮಸಾಲಾ ಬಾಕ್ಸ್​ ಅವರ ಕೈ ಸೇರಿದೆ.

  ಈ ಆರ್ಡ್‌ರ್‌ ಡೆಲಿವರಿಯಾಗುವಾಗ ಬಂದಿರುವ ಮಸಾಲಾ ಬಾಕ್ಸ್‌ಗಳನ್ನು ಮಹಿಳೆ ಫೋಟೋ ಸಮೇತ ಟ್ವೀಟ್ ಮಾಡಿದ್ದಾರೆ. ಅಲ್ಲದೆ, ಗ್ರಾಹಕರಿಗೆ ಮೋಸ ಮಾಡುವ ಇಂತಹ ಕಂಪೆನಿಗಳನ್ನು ಅಮೆಜಾನ್‌ನಿಂದ ಯಾಕೆ ಕೈ ಬಿಡಬಾರದು ಎಂದೂ ಪ್ರಶ್ನಿಸಿದ್ದಾರೆ.

  ಇನ್ನು ಹೆಚ್ಚು ಬೆಲೆಯ ವಸ್ತುಗಳನ್ನು ಮೂರನೇ ಪಾರ್ಟಿಯಿಂದ ಖರೀದಿಸುವ ಮೊದಲು ಆ ಕಂಪೆನಿ ಬಗ್ಗೆ ಸರಿಯಾಗಿ ತಿಳಿದುಕೊಳ್ಳಬೇಕು. ಇಲ್ಲವಾದರೆ ಮೋಸ ನಿಶ್ಚಿತ ಎಂದು ಕೆಲವರು ಸಲಹೆ ಮಾಡಿದ್ದಾರೆ.

  Dear @amazonIN, why haven’t you removed a seller who’s been scamming buyers for over a year? My mom ordered an Oral-B electric toothbrush worth ₹12k, and received 4 boxes of MDH Chat Masala instead! Turns out seller MEPLTD has done this to dozens of customers since Jan 2022. pic.twitter.com/vvgf1apA38

  — N🧋🫧 (@badassflowerbby) February 12, 2023