ನಾವು ಹಿಂಬಾಗಿಲ ಮೂಲಕ ರಾಜಕೀಯಕ್ಕೆ ಬಂದವರಲ್ಲ - ಶಾ ಹೇಳಿಕೆಗೆ ಹೆಚ್ಡಿಕೆ ತಿರುಗೇಟು

•   Tue, Feb 14 2023 02:12:01 PM



• ಬೆಂಗಳೂರು, ಫೆ 14 (DaijiworldNews/MS): ನಮ್ಮ ಕುಟುಂಬದಲ್ಲಿ ನಾವು ಹಿಂಬಾಗಿಲಿನಿಂದ ರಾಜಕಾರಣಕ್ಕೆ ಬಂದಿಲ್ಲ ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಹೇಳಿಕೆಗೆ ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ತಿರುಗೇಟು ನೀಡಿದ್ದಾರೆ.

  ಜೆಡಿಎಸ್ ಪಕ್ಷದಲ್ಲಿ ಕುಟುಂಬ ರಾಜಕಾರಣ ಮಾಡುತ್ತಿದೆ ಎಂಬ ಶಾ ಹೇಳಿಕೆ ವಿಚಾರವಾಗಿ ಮಾತನಾಡಿದ ಅವರು, ಕುಟುಂಬ ರಾಜಕಾರಣ ನಮ್ಮ ಪಕ್ಷದಲ್ಲಿ ಮಾತ್ರ ಇರುವುದೇ , ಬೇರೆ ಪಕ್ಷದಲ್ಲಿ ಇಲ್ಲವೇ? ಎಂದು ಪ್ರಶ್ನಿಸಿದ್ದಾರೆ.

  ನಾವು ಹಿಂಬಾಗಿಲ ಮೂಲಕ ರಾಜಕೀಯಕ್ಕೆ ಬಂದವರಲ್ಲ, ನಾವು ಹೋರಾಟದ ಮೂಲಕ, ಜನರ ಇಚ್ಚೆಯಂತೆ ರಾಜಕಾರಣಕ್ಕೆ ಬಂದಿದ್ದೇವೆ. ಬಿಜೆಪಿ ಪಕ್ಷದಲ್ಲೇ ಕುಟುಂಬ ರಾಜಕಾರಣ ಇದೆ, ಭಾರತದ ಸಂವಿಧಾನ ವ್ಯವಸ್ಥೆ ಏನು ಅನ್ನೋದು ಶಾ ತಿಳಿದುಕೊಂಡಿದ್ದಾರಾ? ಸಂವಿಧಾನದಲ್ಲಿ ಯಾರೂ ಬೇಕಾದ್ರೂ ತಮಗೆ ಇಷ್ಟ ಬಂದ ರೀತಿಯಲ್ಲಿ ವೃತ್ತಿ ಆರಿಸಿಕೊಳ್ಳುವ ಹಕ್ಕಿದೆ ಎಂದು ತಿರುಗೇಟು ನೀಡಿದರು.