'ಇಬ್ರಾಹಿಂ ಕಾಲ್ಗುಣದಿಂದ ಜೆಡಿಎಸ್‌ 123 ಸ್ಥಾನ ಗೆಲ್ಲಲಿದೆ' - ಎಚ್.ಡಿ.ಕುಮಾರಸ್ವಾಮಿ

•   Mon, Feb 13 2023 03:50:36 PM



• ಬೆಂಗಳೂರು, ಫೆ 13 (DaijiworldNews/HR): ನಮ್ಮ ಅಧ್ಯಕ್ಷರಾದ ಸಿಎಂ ಇಬ್ರಾಹಿಂ ಅವರ ಕಾಲ್ಗುಣದಿಂದ ಎಲ್ಲವೂ ಚೆನ್ನಾಗಿ ಆಗುತ್ತಿದೆ. ಕಳೆದ ಬಾರಿ ಅವರು ಪಾರ್ಟಿ ಅಧ್ಯಕ್ಷರಾದಾಗ ಎಚ್.ಡಿ.ದೇವೇಗೌಡರು ಪ್ರಧಾನ ಮಂತ್ರಿಯಾದರು, ಈಗ ಮತ್ತೆ ಪಕ್ಷದ ಅಧ್ಯಕ್ಷ ಸ್ಥಾನದಲ್ಲಿದ್ದಾರೆ. ಹಾಗಾಗಿ ನಾವು 123 ಸ್ಥಾನಗಳಲ್ಲಿ ಗೆಲುತ್ತೇವೆ ಎಂದು ಮಾಜಿ ಮುಖ್ಯಮಂತ್ರಿ ಎಚ್.ಡಿ ಕುಮಾರಸ್ವಾಮಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

  ಪಂಚರತ್ನ ರಥಯಾತ್ರೆಯ ಸಮಾವೇಶದಲ್ಲಿ ಮಾತನಾಡಿದ ಅವರು, ನಾವು ಯಾತ್ರೆ ತೆಗೆದುಕೊಂಡು ಹೋಗುತ್ತಿರುವ ಊರುಗಳ ದೇವಸ್ಥಾನಗಳಲ್ಲಿ ಒಳ್ಳೆಯ ಶಕುನಗಳು ಬಂದಿವೆ. ಎಲ್ಲಾ ಕಡೆ ದೇವಸ್ಥಾನಕ್ಕೆ ಹೋಗುತ್ತಿದ್ದೇನೆ. ಎಲ್ಲಾ ದೇವರು ಒಳ್ಳೆ ಸೂಚನೆ ನೀಡಿದ್ದಾರೆ ಎಂದರು.

  ಇನ್ನು ಇದೆಲ್ಲಾ ನಮ್ಮ ಅಧ್ಯಕ್ಷರಾದ ಸಿಎಂ ಇಬ್ರಾಹಿಂ ಅವರ ಕಾಲ್ಗುಣದಿಂದ ಆಗುತ್ತಿದೆ. ಅವರ ಕಾಲ್ಗುಣ ತುಂಬಾ ಚೆನ್ನಾಗಿದೆ. ಕಳೆದ ಬಾರಿ ಅವರು ಪಾರ್ಟಿ ಅಧ್ಯಕ್ಷರಾದಾಗ ಎಚ್.ಡಿ.ದೇವೇಗೌಡರು ಪ್ರಧಾನ ಮಂತ್ರಿಯಾದರು, ಈಗ ಮತ್ತೆ ಪಕ್ಷದ ಅಧ್ಯಕ್ಷ ಸ್ಥಾನದಲ್ಲಿದ್ದಾರೆ. ಹಾಗಾಗಿ ನಾವು 123 ಸ್ಥಾನಗಳಲ್ಲಿ ಗೆಲುತ್ತೇವೆ ಎಂದು ಹೇಳಿದ್ದಾರೆ.