'ಕಾಂಗ್ರೆಸ್‌ನದ್ದು ವಿಕ್ರಮ ಬೇತಾಳದ ಕಥೆಯಂತಾಗಿದೆ'-ಶ್ರೀರಾಮುಲು

•   Sun, Feb 12 2023 05:52:48 PM



• ಬಳ್ಳಾರಿ, ಫೆ 12 (DaijiworldNews/DB): ವಿಕ್ರಮ ಬೇತಾಳದ ಕಥೆಯಂತೆ ರಾಜ್ಯ ಕಾಂಗ್ರೆಸ್‌ನ ಸ್ಥಿತಿ ರಾಜ್ಯದಲ್ಲಿ ಆಗಿದೆ. ಬೇತಾಳ ವಿಕ್ರಮನನ್ನು ಕಾಡಿದಂತೆ ಆ ಪಕ್ಷದಲ್ಲಿ ಹಲವರು ಕಾಡುತ್ತಿದ್ದಾರೆ ಎಂದು ಸಾರಿಗೆ ಮತ್ತು ಪರಿಶಿಷ್ಟ ವರ್ಗಗಳ ಕಲ್ಯಾಣ ಇಲಾಖೆಯ ಸಚಿವ ಬಿ. ಶ್ರೀರಾಮುಲು ಹೇಳಿದ್ದಾರೆ.

  ಬಳ್ಳಾರಿ ನಗರದಲ್ಲಿ ಸುದ್ದಿಗಾರರೊಂದಿಗೆ ಭಾನುವಾರ ಮಾತನಾಡಿದ ಅವರು. ಕಾಂಗ್ರೆಸ್ ಅಧಿಕಾರದ ಹಗಲುಗನಸು ಕಾಣುತ್ತಿದೆ. ಆದರೆ ಆ ಪಕ್ಷದ ಸ್ಥಿತಿ ಅಕ್ಷರಶಃ ವಿಕ್ರಮ ಬೇತಾಳದ ಕಥೆಯಂತೆಯೇ ಆಗಿದೆ. ಕೆಲವರನ್ನು, ಇನ್ನು ಕೆಲವರು ಕಾಡುತ್ತಲೇ ಇದ್ದಾರೆ ಎಂದರು.

  ಗಂಗಾವತಿಯಲ್ಲಿ ಮಾಜಿ ಸಚಿವ ಜನಾರ್ದನ ರೆಡ್ಡಿ ವಿರುದ್ದ ಸ್ಪರ್ಧಿಸುವ ವಿಚಾರವಾಗಿ ಈಗಲೇ ಪ್ರತಿಕ್ರಿಯೆ ನೀಡುವುದಿಲ್ಲ. ಪಕ್ಷದ ತೀರ್ಮಾನದ ಬಳಿಕವಷ್ಟೇ ನಾನು ಈ ಬಗ್ಗೆ ನಿರ್ಧರಿಸುತ್ತೇನೆ. ಚುನಾವಣೆಗೆ ತುಂಬಾ ಸಮಯ ಇರುವುದರಿಂದ ಆ ಸಂದರ್ಭದಲ್ಲಿ ಈ ವಿಚಾರವನ್ನು ಮಾತನಾಡೋಣ ಎಂದು ಅವರು ತಿಳಿಸಿದರು.

  ಇನ್ನು ಯಾವುದೇ ಪ್ರಾದೇಶಿಕ ಪಕ್ಷಗಳಿಂದಲೂ ಬಿಜೆಪಿಗೆ ರಾಗಿ ಕಾಳಿನಷ್ಟೂ ಸಮಸ್ಯೆ ಉಂಟಾಗುವುದಿಲ್ಲ. ಶಾಸಕ ಸೋಮಶೇಖರ ರೆಡ್ಡಿ ಸ್ಪರ್ಧೆ ಖಚಿತ. ಕಾಂಗ್ರೆಸ್ ಪಕ್ಷವು ಎರಡೂ ಜಿಲ್ಲೆಗಳಲ್ಲಿಯೂ ಸೋಲಲಿದೆ ಎಂದರು.