'ಪ್ರತಿಪಕ್ಷಗಳು ಕೆಸರೆರಚಿದಷ್ಟು ಕಮಲ ಅರಳುತ್ತದೆ'-ಪ್ರಧಾನಿ ಮೋದಿ

•   Thu, Feb 09 2023 04:54:43 PM



• ನವದೆಹಲಿ, ಫೆ 09 (DaijiworldNews/DB): ಪ್ರತಿಪಕ್ಷಗಳು ಕೆಸರೆರಚಿದಷ್ಟು ಕಮಲ ಅರಳುತ್ತದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಪ್ರತಿಪಕ್ಷಗಳನ್ನು ತಿವಿದಿದ್ದಾರೆ.

  ರಾಜ್ಯಸಭೆಯಲ್ಲಿ ಗುರುವಾರ ಮಾತನಾಡಿದ ಅವರು, ಸದನದಲ್ಲಿರುವ ಸದಸ್ಯರಿಗೆ ನಾನು ಹೇಳುವುದಿಷ್ಟೇ. ನಮ್ಮನ್ನು ಟೀಕಿಸಲು ಸಾಧ್ಯವಿದ್ದಷ್ಟು ಟೀಕಿಸಿ. ಎಷ್ಟೇ ಹೀಯಾಳಿಸಿ, ಟೀಕಿಸಿ, ಜರಿಯಿರಿ. ಆದರೆ ನೀವು ಎಷ್ಟು ಕೆಸರೆರಚುತ್ತೀರೋ ಅಷ್ಟೇ ಹುಲುಸಾಗಿ ಕಮಲ ಅರಳಿ ನಿಲ್ಲುತ್ತದೆ ಎಂದರು.

  ನೀವೆಷ್ಟೇ ನಮ್ಮನ್ನು ಹೀಯಾಳಿಸಿದರ ಜನರು ನಮ್ಮ ಪರವಾಗಿಯೇ ನಿಲ್ಲುತ್ತಾರೆ. ಅವರ ಬೆಂಬಲ ನಮಗೆ ಸದಾ ಇರುತ್ತದೆ. ಬಡವರ ಅಭಿವೃದ್ದಿ ನಮ್ಮ ಸರ್ಕಾರ ಬಂದ ಮೇಲೆ ಆಗಿದೆ. ಕೆಲವೇ ವರ್ಷದಲ್ಲಿ 11 ಕೋಟಿ ಮನೆಗಳಿಗೆ ನಲ್ಲಿ ನೀರಿನ ಸಂಪರ್ಕ ಒದಗಿಸಿಕೊಟ್ಟಿದ್ದೇವೆ. 48 ಜನಧನ್ ಖಾತೆ ತೆರೆಯಲಾಗಿದೆ. ಅದೆಷ್ಟೋ ಮನೆಗಳಲ್ಲಿ ಶೌಚಾಲಯ ನಿರ್ಮಾಣವಾಗಿದೆ. ಸಮಗ್ರ ಅಭಿವೃದ್ದಿಗೆ ನಮ್ಮ ಸರ್ಕಾರ ಕಾರಣವಾಗಿದೆ ಎಂದು ಇದೇ ವೇಳೆ ಪ್ರಧಾನಿ ಮೋದಿ ಪ್ರತಿಪಾದಿಸಿದರು.