ಅಪಾರ್ಟ್ಮೆಂಟ್‌ ವೊಂದರಲ್ಲಿ ಅಗ್ನಿ ಅವಘಡ - 14 ಮಂದಿ ಮೃತ್ಯು

•   Wed, Feb 01 2023 09:16:48 AM



• ಜಾರ್ಖಂಡ್‌ , ಫೆ 01 ( DaijiworldNews/MS): ಅಪಾರ್ಟ್ಮೆಂಟ್‌ ವೊಂದರಲ್ಲಿ ಅಗ್ನಿ ಅವಘಡ ಸಂಭವಿಸಿ 14 ಮಂದಿ ಮೃತಪಟ್ಟು, ಹಲವರು ಗಾಯಗೊಂಡಿರುವ ಘಟನೆ ಜಾರ್ಖಂಡ್‌ ನ ಧನ್‌ ಬಾದ್‌ ನಲ್ಲಿ ಜ.31ರ ಮಂಗಳವಾರ ಸಂಜೆ ನಡೆದಿದೆ.

  ಜೋಡಾಫಟಕ್ ಪ್ರದೇಶದ ಆಶೀರ್ವಾದ್ ಟವರ್ಸ್‌ನಲ್ಲಿ ಸಂಜೆ ದುರ್ಘಟನೆ ನಡೆದಿದ್ದು ಬೆಂಕಿಯಲ್ಲಿ 16 ಜನರು ಗಾಯಗೊಂಡಿದ್ದು, ಅಗ್ನಿ ದುರಂತಕ್ಕೆ 10 ಮಹಿಳೆಯರು, 3 ಮಕ್ಕಳು ಸೇರಿ ಒಟ್ಟು 14 ಮಂದಿ ಮೃತಪಟ್ಟಿದ್ದಾರೆ. 12 ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿ ತಿಳಿಸಿದೆ.

  10 ಅಂತಸ್ತಿನ ಆಶೀರ್ವಾದ್ ಟವರ್ಸ್, ನಗರದ ಅತ್ಯಂತ ಹಳೆಯ ಕಟ್ಟಡವಾಗಿದ್ದು ಸುಮಾರು 100 ಫ್ಲಾಟ್‌ಗಳನ್ನು ಒಳಗೊಂಡಿದೆ. ಯಾವ ಕಾರಣದಿಂದ ಬೆಂಕಿ ಆಕಸ್ಮಿಕ ಉಂಟಾಗಿದೆ ಎಂಬುದು ಇನ್ನಷ್ಟೇ ತಿಳಿದು ಬರಬೇಕಿದೆ.ಗಾಯಗೊಂಡವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಪಾಯದಿಂದ ಗಾಯಳುಗಳು ಪಾರಾಗಿದ್ದಾರೆ.ಘಟನೆಗೆ ಮುಖ್ಯಮಂತ್ರಿ ಹೇಮಂತ್ ಸೋರನ್ ಸಂತಾಪ ಸೂಚಿಸಿದ್ದಾರೆ.