11 ತಿಂಗಳ ಗಂಡು ಮಗುವಿನ ಹೊಟ್ಟೆಯಲ್ಲಿ ಪತ್ತೆಯಾಯ್ತು ಭ್ರೂಣ!

•   Sun, Jan 22 2023 01:11:20 PM



• ಅಸ್ಸಾಂ, ಜ 22 (DaijiworldNews/HR): ದಿಬ್ರುಗಡ್ ಜಿಲ್ಲೆಯಲ್ಲಿ 11 ತಿಂಗಳ ಗಂಡು ಮಗುವಿನ ಹೊಟ್ಟೆಯಲ್ಲಿ ಭ್ರೂಣ ಕಂಡುಬಂದಿರುವ ಅಪರೂಪದಲ್ಲಿ ಅಪರೂಪ ಘಟನೆ ನಡೆದಿದೆ.

  ಸಾಂದರ್ಭಿಕ ಚಿತ್ರ

  ಅಪೇಕ್ಷಾ ಆಸ್ಪತ್ರೆಯಲ್ಲಿ ಈ ಮಗುವಿಗೆ ಶಸ್ತ್ರ ಚಿಕಿತ್ಸೆ ಮಾಡಲಾಗಿದ್ದು, ವೈದ್ಯರು 2 ಕೆಜಿ ತೂಕದ ಭ್ರೂಣವನ್ನು ಹೊರ ತೆಗೆದಿದ್ದಾರೆ.

  ಇನ್ನು ಸದ್ಯ ಮಗು ಆರೋಗ್ಯವಾಗಿದ್ದು, ಅರುಣಾಚಲ ಪ್ರದೇಶದ ಸಾಂಗ್ಲಾಂಗ್ ಜಿಲ್ಲೆಯ ಮಗು ಇದು ಎಂದು ಹೇಳಲಾಗಿದೆ.

  ಐದು ಲಕ್ಷ ಮಕ್ಕಳ ಪೈಕಿ ಒಂದೊಂದು ಮಗುವಿಗೆ ಈ ರೀತಿ ಆಗಲಿದೆಯಂತೆ. ವೈದ್ಯಕೀಯ ಭಾಷೆಯಲ್ಲಿ ಇದನ್ನು ಫೀಟಸ್-ಇನ್-ಫೀಟು ಎಂದು ಕರೆಯುತ್ತಾರೆ ಎನ್ನಲಾಗಿದೆ.