'ಬಿಜೆಪಿ ಸ್ಥಿತಿ ಹರಿದ ಬನಿಯನ್‌ ಆಗಿದೆ '- ಕಾಂಗ್ರೆಸ್

•   Fri, Jan 20 2023 12:56:36 PM



• ಬೆಂಗಳೂರು, ಜ 20 ( DaijiworldNews/MS): ಆಂತರಿಕ ಕದನದಲ್ಲಿರುವ ಬಿಜೆಪಿ ಸ್ಥಿತಿ ಹರಿದ ಬನಿಯನ್‌ನಂತಾಗಿದೆ ಎಂದು ಕರ್ನಾಟಕ ಕಾಂಗ್ರೆಸ್‌ ವ್ಯಂಗ್ಯವಾಡಿದೆ.

  ಈ ಕುರಿತು ಟ್ವಿಟ್ಟರ್‌ನಲ್ಲಿ ಪೋಸ್ಟರ್‌ವೊಂದನ್ನು ಹಂಚಿಕೊಂಡಿರುವ ಕರ್ನಾಟಕ ಕಾಂಗ್ರೆಸ್‌, ಆಂತರಿಕ ಕದನದಲ್ಲಿರುವ ಬಿಜೆಪಿ ಸ್ಥಿತಿ "ಹರಿದ ಬನಿಯನ್"ನಂತಾಗಿದೆ. ಇತ್ತ ಎಳೆದರೆ ಅತ್ತ ಕಾಣುತ್ತದೆ, ಅತ್ತ ಎಳೆದರೆ ಇತ್ತ ಕಾಣುತ್ತದೆ. ಒಟ್ಟಿನಲ್ಲಿ ಎತ್ತ ಎಳೆದರೂ ಬಿಜೆಪಿvsಬಿಜೆಇ ಕಿತ್ತಾಟವೆಂಬ ಬೆತ್ತಲೆ ಮೈ ಮುಚ್ಚಲಾಗುತ್ತಿಲ್ಲ. ಬೊಮ್ಮಾಯಿ ಅವರಿಗೆ ಸರ್ಕಾರವನ್ನು, ನಳಿನ್ ಕುಮಾರ್ ಕಟೀಲ್‌ ಅವರಿಗೆ ಪಕ್ಷವನ್ನು ನಿಭಾಯಿಸಲಾಗದೆ ಬಿಜೆಪಿ ಮುಳುಗಿದ ಹಡಗಾಗಿದೆ ಎಂದು ಕುಟುಕಿದೆ.

  ಒಟ್ಟಿನಲ್ಲಿ ವಿಧಾನಸಭೆ ಚುನಾವಣೆ ಕೆಲ ತಿಂಗಳು ಬಾಕಿ ಇರುವಂತೆಯೇ ಕಾಂಗ್ರೆಸ್- ಬಿಜೆಪಿ - ಜೆಡಿಎಸ್ ಟ್ವೀಟ್ ವಾರ್ ಜೋರಾಗಿಯೇ ನಡೆಯುತ್ತಿದೆ.