ಬ್ಯಾಂಕ್ ದರೋಡೆ ತಡೆದ ಇಬ್ಬರು ಮಹಿಳಾ ಕಾನ್ಸ್‌ಟೇಬಲ್‌ಗಳು

•   Thu, Jan 19 2023 01:03:11 PM



• ಬಿಹಾರ, ಜ 19 ( DaijiworldNews/MS): ಮೂವರು ಶಸ್ತ್ರಸಜ್ಜಿತ ದರೋಡೆಕೋರರು ಬ್ಯಾಂಕ್‌ಗೆ ನುಗ್ಗಲು ಯತ್ನಿಸಿದಾಗ ಕಾವಲು ಕಾಯುತ್ತಿದ್ದ ಇಬ್ಬರು ಮಹಿಳಾ ಪೊಲೀಸ್ ಕಾನ್ಸ್‌ಟೇಬಲ್‌ ಅವರೊಂದಿಗೆ ಹೋರಾಡಿ, ಬ್ಯಾಂಕ್ ದರೋಡೆಯನ್ನು ವಿಫಲಗೊಳಿಸಿದ ಘಟನೆ ಬಿಹಾರದ ಹಾಜಿಪುರದಲ್ಲಿ ಬುಧವಾರ ನಡೆದಿದ್ದು , ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

  ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹರಡುತ್ತಿರುವ ಘಟನೆಯ ವೀಡಿಯೊದಲ್ಲಿ,ಜೂಹಿ ಕುಮಾರಿ ಮತ್ತು ಶಾಂತಿ ಎಂಬ ಇಬ್ಬರು ಮಹಿಳಾ ಪೊಲೀಸರು ದರೋಡೆಕೋರರನ್ನು ತಡೆಯುವುದನ್ನು ಕಾಣಬಹುದು.

  ಸದರ್ ಪೊಲೀಸ್ ಠಾಣೆ ವ್ಯಾಪ್ತಿಯ ಸೆಂಡುರಿ ಚೌಕ್‌ ನಲ್ಲಿರುವ ಉತ್ತರ ಬಿಹಾರ ಗ್ರಾಮೀಣ ಬ್ಯಾಂಕ್‌ ನಲ್ಲಿ ಕಾನ್ಸ್‌ಟೇಬಲ್‌ ಗಳು ಕಾವಲಿಗಿದ್ದರು. ಈ ವೇಳೆ ಪ್ರವೇಶದ್ವಾರದಲ್ಲಿ ಮೂವರು ಮುಸುಕುಧಾರಿಗಳು ವ್ಯಕ್ತಿಗಳು ಪ್ರವೇಶಿಸಲು ಪ್ರಯತ್ನಿಸಿದ್ದಾರೆ. ಅನುಮಾನ ಬಂದು ಮೂವರಿಗೂ ಬ್ಯಾಂಕ್‌ ನಲ್ಲಿ ಕೆಲಸವಿದೆಯೇ ಎಂದು ಪ್ರಶ್ನಿಸಿದ್ದಾರೆ. ಅವರು ಹೌದು ಎಂದಾಗ ಬ್ಯಾಂಕ್ ಪಾಸ್ ಬುಕ್ ತೋರಿಸಲು ಹೇಳಿದಾಗ ದುಷ್ಕರ್ಮಿಗಳಲ್ಲಿ ಒಬ್ಬರು ಬಂದೂಕು ಹೊರತೆಗೆದಿದ್ದಾರೆ.

  ಈ ದೃಶ್ಯಗಳನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿರುವ ಬಿಹಾರ ಪೊಲೀಸರು, “ಬಿಹಾರ ಪೊಲೀಸರ ಇಬ್ಬರು ಮಹಿಳಾ ಕಾನ್‌ಸ್ಟೆಬಲ್‌ಗಳ ಧೀರ ಕೃತ್ಯ ಶ್ಲಾಘನೀಯ. ಅವರ ಧೈರ್ಯ ವೈಶಾಲಿಯಲ್ಲಿ ಬ್ಯಾಂಕ್ ದರೋಡೆಯ ಪ್ರಯತ್ನವನ್ನು ವಿಫಲಗೊಳಿಸಿದೆ ಎಂದು ಬರೆದುಕೊಂಡಿದ್ದಾರೆ.

  ಘಟನೆಯಲ್ಲಿ ಜೂಹಿ ಗಾಯಗೊಂಡಿದ್ದರು. ಆದರೆ ಪೊಲೀಸರ ತಡೆಯುವು ಯತ್ನದಲ್ಲಿ ದರೋಡೆಕೋರರು ಹೆದರಿ ಕಾಲ್ಕಿತ್ತಿದ್ದಾರೆ . ಪೊಲೀಸರು ಇದೀಗ ಪರಾರಿಯಾದ ಆರೋಪಿಗಳ ಪತ್ತೆಗೆ ಮುಂದಾಗಿದ್ದು, ದರೋಡೆ ಯತ್ನದ ಕುರಿತು ತನಿಖೆ ನಡೆಸುತ್ತಿದ್ದಾರೆ.

  The Gallant act of two lady constables of Bihar Police is laudable. Their bravery thwarted an attempt of Bank Robbery in Vaishali.#Bihar_Police_Action_against_Criminal pic.twitter.com/4Do0pQOPAp

  — Bihar Police (@bihar_police) January 18, 2023