ವ್ಯಕ್ತಿಯ ಕ್ರಿಪ್ಟೋ ಕರೆನ್ಸಿ ಖಾತೆ ಹ್ಯಾಕ್ ಮಾಡಿ 12 ಲಕ್ಷ ರೂ. ದೋಚಿದ ವಂಚಕ

•   Mon, Jan 16 2023 01:47:15 PM



• ಥಾಣೆ(ಮಹಾರಾಷ್ಟ್ರ), ಜ 16 (DaijiworldNews/DB): ಥಾಣೆಗೆ ಕೆಲಸದ ನಿಮಿತ್ತ ಆಗಮಿಸಿದ್ದ ಮುಂಬೈ ಮೂಲದ ವ್ಯಕ್ತಿಯೊಬ್ಬರ ಕ್ರಿಪ್ಟೋಕರೆನ್ಸಿ ಖಾತೆಯನ್ನು ವಂಚಕನೊಬ್ಬ ಹ್ಯಾಕ್ ಮಾಡಿ ಸುಮಾರು 12 ಲಕ್ಷ ರೂಪಾಯಿ ದೋಚಿದ್ದಾನೆ.

  ಮುಂಬೈನ 37 ವರ್ಷದ ವ್ಯಕ್ತಿ ಹಣ ಕಳೆದುಕೊಂಡವರು. 15,097 ಅಮೆರಿಕ ಡಾಲರ್ ಅಂದರೆ ಸುಮಾರು ಸುಮಾರು12 ಲಕ್ಷ ರೂಪಾಯಿಗಳನ್ನು ಕಳೆದುಕೊಂಡಿರುವ ಸಂಬಂಧ ವ್ಯಕ್ತಿ ದೂರು ದಾಖಲಿಸಿದ್ದಾರೆ. ಘಟನೆ ನವೆಂಬರ್ 1ರಂದು ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.

  ಹ್ಯಾಕ್ ಮಾಡಿದ ಹಣವು ಕಂಪೆನಿಯೊಂದರ ಖಾತೆಗೆ ವರ್ಗಾವಣೆಗೊಂಡಿದೆ ಎನ್ನಲಾಗಿದೆ. ಆದರೆ ಘಟನೆ ನಡೆದ ತತ್‌ಕ್ಷಣ ಸಂತ್ರಸ್ತ ವ್ಯಕ್ತಿ ದೂರು ದಾಖಲಿಸಿಲ್ಲ. ಇದೀಗ ಎರಡು ತಿಂಗಳ ಬಳಿಕ ದೂರು ದಾಖಲು ಮಾಡಿರುವುದಕ್ಕೆ ವ್ಯಕ್ತಿ ಕಾರಣ ನೀಡಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.