ಒಂದೇ ದಿನದಲ್ಲಿ ಅವಳಿ ಸಹೋದರರಿಬ್ಬರ ಸಾವು

•   Sun, Jan 15 2023 01:12:36 PM



• ರಾಜಸ್ಥಾನ, ಜ 15 (DaijiworldNews/DB): 900 ಕಿ.ಮೀ. ಅಂತರಗಳಷ್ಟು ಪರಸ್ಪರ ದೂರದಲ್ಲಿದ್ದ ಅವಳಿ ಸಹೋದರರಿಬ್ಬರು ಒಂದೇ ದಿನದಲ್ಲಿ ಮೃತಪಟ್ಟ ಘಟನೆ ರಾಜಸ್ಥಾನದಲ್ಲಿ ನಡೆದಿದೆ.

  ರಾಜಸ್ಥಾನದ ಬಾಡಮೇರ್ ಮೂಲದ 26 ವರ್ಷದ ಅವಳಿ ಸಹೋದರರಾದ ಸುಮೇರ್ ಸಿಂಗ್ ಮತ್ತು ಸೋಹನ್ ಸಿಂಗ್ ಮೃತ ದುರ್ದೈವಿಗಳು. ಸುಮೇರ್ ಸೂರತ್‌ನಲ್ಲಿ ಹಾಗೂ ಸೋಹನ್ ಜೈಪುರದಲ್ಲಿ ವಾಸಿಸುತ್ತಿದ್ದರು.

  ಮನೆಯ ತಾರಸಿ ಮೇಲೆ ಮೊಬೈಲ್‌ನಲ್ಲಿ ಮಾತನಾಡುತ್ತಿದ್ದಾಗ ಆಯ ತಪ್ಪಿ ಬಿದ್ದು ಸುಮೇರ್ ಸಿಂಗ್ ಮೃತ ಪಟ್ಟಿದ್ದರು. ಸಹೋದರ ಮೃತಪಟ್ಟ ವಿಷಯ ತಿಳಿದು ಮನೆಗೆ ಬಂದಿದ್ದ ಸೋಹನ್ ಕಾಲು ಜಾರಿ ನೀರಿನ ಟ್ಯಾಂಕ್‌ನೊಳಗೆ ಬಿದ್ದು ಸಾವನ್ನಪ್ಪಿದ್ದಾರೆ.

  ಒಂದೇ ದಿನದಲ್ಲಿ ಮನೆಯ ಆಧಾರಸ್ಥಂಭಗಳಾದ ಇಬ್ಬರು ಪುತ್ರರನ್ನು ಕಳೆದುಕೊಂಡ ಮನೆಯವರು ಶೋಕ ಸಾಗರದಲ್ಲಿ ಮುಳುಗಿದ್ದಾರೆ. ಇನ್ನು ಸೋಹನ್ ಸಿಂಗ್ ಅವರ ಸಾವು ಆತ್ಮಹತ್ಯೆ ಇರಬಹುದು ಎಂದು ಪೊಲೀಸರು ಶಂಕೆ ವ್ಯಕ್ತಪಡಿಸಿದ್ದಾರೆ.