ನವದೆಹಲಿ, ಜ 12 (DaijiworldNews/DB): ನಕಲಿ ಸುದ್ದಿಗಳನ್ನು ಹರಡಿದ ಆರು ಯೂಟ್ಯೂಬ್ ಚಾನೆಲ್ ಗಳಿಗೆ ಕೇಂದ್ರ ಸರ್ಕಾರ ಗುರುವಾರ ನಿರ್ಬಂಧ ಹೇರಿದೆ.
ನಕಲಿ ಸುದ್ದಿಗಳನ್ನು ಹರಡಿ ಸಮಾಜದಲ್ಲಿ ತಪ್ಪು ಮಾಹಿತಿ ಪಸರಿಸುವಲ್ಲಿ ಕಾರಣವಾದ ಹಿನ್ನೆಲೆಯಲ್ಲಿ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ಈ ಕ್ರಮ ಕೈಗೊಂಡಿದೆ. ಸಂವಾದ್ ಟಿವಿ, ನೇಷನ್ ಟಿವಿ, ಸರೋಕರ್ ಭಾರತ್, ನೇಷನ್ 24, ಸ್ವರ್ಣಿಮ್ ಭಾರತ್, ಹಾಗೂ ಸಂವಾದ್ ಸಮಾಚಾರ್ ಯೂಟ್ಯೂಬ್ ಚಾನೆಲ್ ಗಳಿಗೆ ನಿರ್ಬಂಧ ಹೇರಲಾಗಿದೆ.
ಈ ಚಾನೆಲ್ ಗಳು 20 ಲಕ್ಷಕ್ಕೂ ಅಧಿಕ ಚಂದಾದಾರರನ್ನು ಹೊಂದಿದ್ದವು. ಅಲ್ಲದೆ 51ಕ್ಕೂ ಹೆಚ್ಚು ಬಾರಿ ವೀಡಿಯೋ ಗಳು ವೀಕ್ಷಣೆ ಪಡೆದಿವೆ ಎಂದು ತಿಳಿದು ಬಂದಿದೆ.