ನವದೆಹಲಿ, ಜ 11 (DaijiworldNews/DB): ದೇಶದ ಔದ್ಯೋಗಿಕ ರಂಗದಲ್ಲಿ ಮಹಿಳೆಯರಿಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತಿದೆ ಎನ್ನಲಾಗುತ್ತಿದೆ. ಆದರೆ ಪ್ರಮುಖ ಸರ್ಕಾರಿ ಬ್ಯಾಂಕ್ಗಳ ಪ್ರಮುಖ ಹುದ್ದೆಗಳನ್ನು ಅಲಂಕರಿಸಿದ ಮಹಿಳೆಯರ ಸಂಖ್ಯೆ ಕೇವಲ 13!
ವೆಂಕಟೇಶ್ ನಾಯಕ್ ಎಂಬವರು ಆರ್ಥಿಕ ಸೇವೆಗಳ ಸಾಂಸ್ಥಿಕ ಮಂಡಳಿಯಿಂದ ಪಡೆದ ಮಾಹಿತಿಯಲ್ಲಿ ಈ ಅಂಶ ಗೊತ್ತಾಗಿದೆ. ದೇಶದಲ್ಲಿ ಹಲವಾರು ಸರ್ಕಾರಿ ಬ್ಯಾಂಕ್ಗಳಿವೆ ಒಟ್ಟು 122 ನಿರ್ದೇಶಕರು ಸಾರ್ವಜನಿಕ ಬ್ಯಾಂಕ್ಗಳಲ್ಲಿದ್ದಾರೆ. ಆದರೆ ಇದರಲ್ಲಿ ಮಹಿಳೆಯರ ಸಂಖ್ಯೆ ಕೇವಲ 13. ಉಳಿದ 109 ಮಂದಿ ಪುರುಷರು.
ಇನ್ನು ನಿರ್ದೇಶಕರ ಸ್ಥಾನವೂ ಭರ್ತಿಯಾಗಿಲ್ಲ. ಸಾರ್ವಜನಿಕ ಬ್ಯಾಂಕ್ಗಳಲ್ಲಿ ಇರುವ 186 ನಿರ್ದೇಶಕ ಸ್ಥಾನಗಳ ಪೈಕಿ 122 ಸ್ಥಾನ ಭರ್ತಿಯಾದರೆ ಉಳಿದ 64 ಸ್ಥಾನಗಳು ಭರ್ತಿಯಾಗದೇ ಉಳಿದಿವೆ. ಇನ್ನು ಉದ್ಯೋಗಿ, ಅಧಿಕಾರಿಗಳ ನಿರ್ದೇಶಕರು ಮತ್ತು ಗುತ್ತಿಗೆ ಆಧರಿತ ಕೆಲಸಗಾರರ ನಿರ್ದೇಶಕರು ಒಟ್ಟು 12 ಸಾರ್ವಜನಿಕ ಬ್ಯಾಂಕ್ಗಳಲ್ಲಿ ಇಲ್ಲ ಎಂದು ತಿಳಿದು ಬಂದಿದೆ.