ಭಾರತ್ ಜೋಡೋ ಯಾತ್ರೆಯಲ್ಲಿ ಸೇನೆಯ ಮಾಜಿ ಮುಖ್ಯಸ್ಥರು, ಯೋಧರು ಭಾಗಿ

•   Sun, Jan 08 2023 09:31:12 PM



• ನವದೆಹಲಿ, ಜ 08 (DaijiworldNews/DB): ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ನೇತೃತ್ವದ ಭಾರತ್ ಜೋಡೊ ಯಾತ್ರೆಯಲ್ಲಿ ಸೇನೆಯ ಮಾಜಿ ಮುಖ್ಯಸ್ಥರು ಹಾಗೂ ಯೋಧರುಗಳು ಪಾಲ್ಗೊಂಡಿದ್ದಾರೆ.

  ಈ ಕುರಿತು ಕಾಂಗ್ರೆಸ್ ಸಂಸದ ಮಾಣಿಕಂ ಟ್ಯಾಗೋರ್ ಟ್ವೀಟ್ ಮಾಡಿದ್ದು, ಭಾರತೀಯ ಸೇನೆಯ ಮಾಜಿ ಮುಖ್ಯಸ್ಥ ಜನರಲ್ ದೀಪಕ್ ಕಪೂರ್ ಸೇರಿದಂತೆ ಇತರ ಸೇನಾ ಯೋಧರು ಭಾರತ್ ಜೋಡೋ ಯಾತ್ರೆಯಲ್ಲಿ ಪಾಲ್ಗೊಂಡಿದ್ದರು ಎಂದು ತಿಳಿಸಿದ್ದಾರೆ.

  ಜನರಲ್ ದೀಪಕ್ ಕಪೂರ್, ಲೆಫ್ಟಿನೆಂಟ್ ಜನರಲ್ ಆರ್. ಕೆ. ಹೂಡಾ, ಲೆಫ್ಟಿನೆಂಟ್ ಜನರಲ್ ವಿ.ಕೆ. ನರುಲಾ, ಎ.ಎಮ್. ಪಿ.ಎಸ್. ಭಂಗು, ಮೇಜರ್ ಜನರಲ್ ಸತ್ಬೀರ್ ಸಿಂಗ್ ಚೌಧರಿ, ಮೇಜರ್ ಜನರಲ್ ಧರ್ಮೇಂದರ್ ಸಿಂಗ್, ಕರ್ನಲ್ ಜಿತೇಂದರ್ ಗಿಲ್, ಕರ್ನಲ್ ಪುಷ್ಪೇಂದರ್ ಸಿಂಗ್, ಮೇಜರ್ ಜನರಲ್ ಬಿಶಂಬರ್ ದಯಾಳ್, ಕರ್ನಲ್ ರೋಹಿತ್ ಚೌಧರಿ ಸೇರಿದಂತೆ ಸೇನೆಯ ಹಲವರು ಹರಿಯಾಣದಲ್ಲಿ ನಡೆದ ಭಾರತ್ ಜೋಡೋ ಯಾತ್ರೆಯಲ್ಲಿ ಪಾಲ್ಗೊಂಡಿದ್ದರು ಎಂದವರು ಟ್ವೀಟ್‌ನಲ್ಲಿ ಉಲ್ಲೇಖಿಸಿದ್ದಾರೆ.

  2007 ಸೆಪ್ಟೆಂಬರ್ 30ರಿಂದ ಸೇನಾ ಸಿಬ್ಬಂದಿ ಮುಖ್ಯಸ್ಥರಾಗಿ ಹಾಗೂ 2009 ಆಗಸ್ಟ್ 31ರಿಂದ ಚೀಫ್ಸ್ ಆಫ್ ಸ್ಟಾಫ್ ಕಮಿಟಿಯ ಅಧ್ಯಕ್ಷರಾಗಿ ದೀಪಕ್ ಕಪೂರ್‍ ಸೇವೆ ಸಲ್ಲಿಸಿದ್ದರು.

  Many senior army former officers including ex-Chief of Army Staff Gen. Deepak Kapoor, Lt Gen RK Hooda, Lt Gen VK Narula,AM PS Bhangu, Maj Gen Satbir Singh Chaudhary, Maj Gen Dharmender Singh, Col Jitender Gill, Col Pushpender Singh, Lt Gen DDS Sandhu, Maj Gen Bishamber Dayal1/2 pic.twitter.com/mljsYyVSkz

  — Manickam Tagore .B🇮🇳✋மாணிக்கம் தாகூர்.ப (@manickamtagore) January 8, 2023