ಅತಿ ಎತ್ತರದ ಯುದ್ದಭೂಮಿ ಸಿಯಾಚಿನ್‌‌ನಲ್ಲಿ ಕರ್ತವ್ಯ ನಿರ್ವಹಿಸಲಿದ್ದಾರೆ ಮೊದಲ ಮಹಿಳಾ ಅಧಿಕಾರಿ!

•   Tue, Jan 03 2023 03:20:04 PM



• ನವದೆಹಲಿ, ಜ 03 (DaijiworldNews/DB): ಸಿಯಾಚಿನ್‌ ಯುದ್ದಭೂಮಿಯಲ್ಲಿ ಮಹಿಳಾ ಅಧಿಕಾರಿಯೊಬ್ಬರು ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದಾರೆ. ಆ ಮೂಲಕ ಅತಿ ಎತ್ತರದ ಯುದ್ದಭೂಮಿಯಲ್ಲಿ ಕಾರ್ಯನಿರ್ವಹಿಸುವ ಮೊದಲ ಮಹಿಳಾ ಅಧಿಕಾರಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

  ಕ್ಯಾಪ್ಟನ್ ಶಿವ ಚೌಹಾಣ್ ಅವರೇ ಸಿಯಾಚಿನ್‌ನಲ್ಲಿ ಕರ್ತವ್ಯಕ್ಕೆ ನಿಯೋಜನೆಗೊಂಡವರು. ಸಿಯಾಚಿನ್ ನೀರ್ಗಲ್ಲಿನ ಕುಮಾರ್‍ ಪೋಸ್ಟ್‌ನಲ್ಲಿ ಇವರು ಫೈರ್ ಅಂಡ್ ಫ್ಯೂರಿ ಕಾರ್ಪ್ಸ್ ಅಧಿಕಾರಿಯಾಗಿ ಕರ್ತವ್ಯ ನಿಭಾಯಿಸಲಿದ್ದಾರೆ.

  ಇನ್ನು ಶಿವ ಚೌಹಾಣ್ ಅವರ ನಿಯೋಜನೆ ಬಗ್ಗೆ ಟ್ವೀಟ್ ಮಾಡಿರುವ ಭಾರತೀಯ ಸೇನೆ, ಕ್ಯಾಪ್ಟನ್ ಶಿವ ಅವರು ಹಳೆಯ ಸಂಪ್ರದಾಯವನ್ನು ಮುರಿದು ಅತಿ ಎತ್ತರದ ಯುದ್ದಭೂಮಿ ಸಿಯಾಚಿನ್‌ನಲ್ಲಿ ನಿಯೋಜನೆಗೊಂಡಿರುವುದು ಹೆಮ್ಮೆಯ ವಿಷಯ. ಇಲ್ಲಿ ಸೇವೆಗೂ ಮುನ್ನ ಕಠಿಣ ತರಬೇತಿಯನ್ನು ಶಿವ ತೆಗೆದುಕೊಳ್ಳಲಿದ್ದಾರೆ ಎಂದು ತಿಳಿಸಿದೆ.

  1984ರಿಂದಲೇ ಇಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವೆ ಸಮರ ನಡೆಯುತ್ತಿದೆ. 15,632 ಅಡಿ ಎತ್ತರ ಹೊಂದಿರುವ ಸಿಯಾಚಿನ ಭೂಮಿ ಮೇಲಿರುವ ಅತಿ ಎತ್ತರದ ಯುದ್ದಭೂಮಿಯಾಗಿದೆ. 2021ರ ಸೆಪ್ಟೆಂಬರ್ ತಿಂಗಳಲ್ಲಿ ಇಲ್ಲಿನ ಕುಮಾರ್‍ ಪೋಸ್ಟ್‌ಗೆ ಎಂಟು ಮಂದಿ ವಿಶೇಷ ಚೇತನರ ತಂಡ ತಲುಪಿ ವಿಶ್ವ ದಾಖಲೆ ಮಾಡಿತ್ತು.

  'Breaking the Glass Ceiling'
  
  Capt Shiva Chauhan of Fire and Fury Sappers became the first woman officer to be operationally deployed in Kumar Post, post completion of arduous training, at the highest battlefield of the world #Siachen.#SuraSoi@PMOIndia @DefenceMinIndia @adgpi pic.twitter.com/nQbmJxvLQ4

  — @firefurycorps_IA (@firefurycorps) January 3, 2023