ನವದೆಹಲಿ, ಡಿ 31 (DaijiworldNews/HR): ಹೊಸ ವರ್ಷವನ್ನು ಇಡೀ ಜಗತ್ತಿನಾದ್ಯಂತ ಸಂಭ್ರಮದಿಂದ ಸ್ವಾಗತಿಸುತ್ತಿದ್ದು, ಪಟಾಕಿ ಸಿಡಿಸಿ, ಲೇಸರ್ ಶೋ ಆಯೋಜಿಸಿ, ಡಾನ್ಸ್, ಹಾಡು, ಪಾರ್ಟಿ ಮಾಡಿ ಹೊಸ ವರ್ಷದ ಕ್ಷಣವನ್ನು ಜನ ಅನುಭವಿಸುತ್ತಿದ್ದಾರೆ.
ಭಾರತದ ಪ್ರಮುಖ ನಗರಗಳಲ್ಲಿ ಬಿಗಿ ಬಂದೋಬಸ್ತ್ ಮಧ್ಯೆಯೇ ಜನ ಪಾರ್ಟಿ ಮಾಡಲು, ಕುಣಿದು ಕುಪ್ಪಳಿಸಲು ಸಜ್ಜಾಗುತ್ತಿದ್ದು, ಕೊರೊನಾ ನಿರ್ಬಂಧಗಳಿಂದಾಗಿ ಕಳೆದ ಎರಡು ವರ್ಷ ಹೆಚ್ಚಿನ ಸಂಭ್ರಮ ಇರಲಿಲ್ಲ. ಆದರೆ ಈ ಬಾರಿ ಆತಂಕ ಕಡಿಮೆ ಇರುವ ಕಾರಣ ಅದ್ಧೂರಿ ಆಚರಣೆಗೆ ದೇಶಕ್ಕೆ ದೇಶವೇ ಸಿದ್ಧವಾಗಿದೆ.
ಇನ್ನು ಆಯಾ ದೇಶಗಳ ಕಾಲಮಾನದ ಪ್ರಕಾರ, ಬೇರೆ ಬೇರೆ ಸಮಯದಲ್ಲಿ ಬೇರೆ ಬೇರೆ ದೇಶದಲ್ಲಿ ಹೊಸ ವರ್ಷವನ್ನು ಸ್ವಾಗತಿಸಲಾಗುತ್ತಿದೆ.