ಮರಿಗಳಿಗೆ ಜನ್ಮ ನೀಡಿದ ಬಿಎಸ್‌ಎಫ್ ಶ್ವಾನ-ತನಿಖೆಗೆ ಆದೇಶ!

•   Sat, Dec 31 2022 05:55:41 PM



• ಮೇಘಾಲಯ, ಡಿ 31 (DaijiworldNews/DB): ಮೇಘಾಲಯದ ಶಿಲ್ಲಾಂಗ್ ಪ್ರದೇಶದ ಬಾಂಗ್ಲಾದೇಶ ಗಡಿಯಲ್ಲಿರುವ ಬಾರ್ಡರ್ ಔಟ್‌ಪೋಸ್ಟ್‌ನಲ್ಲಿ ಸೇವಾ ಉದ್ದೇಶಕ್ಕೆ ನಿಯೋಜಿಸಲಾಗಿದ್ದ ಬಿಎಸ್‌ಎಫ್ ಸ್ನಿಫರ್ ಶ್ವಾನವು ಮೂರು ಮರಿಗಳಿಗೆ ಜನ್ಮ ನೀಡಿದೆ. ಆದರೆ ಇದು ನಿಯಮಕ್ಕೆ ವಿರುದ್ದವಾದ ಘಟನೆಯಾಗಿರುವುದರಿಂದ ವಿಚಾರಣೆಗೆ ನ್ಯಾಯಾಲಯ ಆದೇಶಿಸಿದೆ.

  ನಿಯಮ ಪ್ರಕಾರ ಬಿಎಸ್‌ಎಫ್‌ ಶ್ವಾನವು ಹೈ ಸೆಕ್ಯುರಿಟಿ ವಲಯದಲ್ಲಿರುತ್ತದೆ. ಅದನ್ನು ಜಾಗರೂಕತೆಯಾಗಿ ನೋಡಿಕೊಳ್ಳಬೇಕಿದೆ. ದಳದ ಪಶುವೈದ್ಯ ವಿಭಾಗದ ಸಲಹೆ ಹಾಗೂ ಮೇಲ್ವಿಚಾರಣೆಯ ಹೊರತಾಗಿ ಶ್ವಾನಗಳನ್ನು ಸಂತಾನೋತ್ಪತ್ತಿಗೆ ಬಿಡಲು ಅವಕಾಶವಿಲ್ಲ.

  ಆದರೆ ಇದೀಗ ಬಿಎಸ್‌ಎಫ್‌ನ ಶ್ವಾನವು ಗರ್ಭಿಣಿಯಾಗಿದ್ದಲ್ಲದೆ, ಮೂರು ಮರಿಗಳಿಗೆ ಜನ್ಮ ನೀಡಿದೆ. ಈ ನಿಟ್ಟಿನಲ್ಲಿ ಕೋರ್ಟ್ ತನಿಖೆಗಾಗಿ ಕಮಿಟಿ ರಚಿಸಿದೆ. ಅಲ್ಲದೆ ಬಿಎಸ್​ಫ್​ನ 170 ಬೆಟಾಲಿಯನ್, ಧನಕಗಿರಿ, ಮೇಘಾಲಯದ ಕಚೇರಿಯು ಉಪ ಕಮಾಂಡೆಂಟ್‌ಗೆ ಪತ್ರ ಬರೆದಿದ್ದು, ಘಟನೆ ಬಗ್ಗೆ ವಿವರ ನೀಡುವಂತೆ ಕೇಳಿದೆ.