ಅಪರಿಚಿತ ದುಷ್ಕರ್ಮಿಗಳಿಂದ ಜಿಮ್ ಮಾಲಕನ ಗುಂಡಿಕ್ಕಿ ಹತ್ಯೆ

•   Sat, Dec 31 2022 10:29:55 AM



• ನವದೆಹಲಿ, ಡಿ 31 ( DaijiworldNews/MS): ಜಿಮ್‌ ಮಾಲಕರೊಬ್ಬರನ್ನು ಗುಂಡಿಕ್ಕಿ ಹತ್ಯೆಗೈದ ಘಟನೆ ಪೂರ್ವ ದೆಹಲಿಯ ಪ್ರೀತ್ ವಿಹಾರ್ ಶುಕ್ರವಾರ ರಾತ್ರಿ ನಡೆದಿದೆ.

  ಮೃತರನ್ನು ಮಹಿಂದರ್ (45) ಎಂದು ಗುರುತಿಸಲಾಗಿದೆ. ಶುಕ್ರವಾರ ರಾತ್ರಿ ಗನ್‌ ಗಳನ್ನು ಹಿಡಿದುಕೊಂಡ ಬಂದ ಅಪರಿಚಿತರು ಕಚೇರಿಗೆ ನುಗ್ಗಿ ಶೂಟ್‌ ಮಾಡಿ ಹತ್ಯೆಗೈದಿದ್ದಾರೆ. ದಾಳಿಕೋರರನ್ನು ಇನ್ನೂ ಗುರುತಿಸಲಾಗಿಲ್ಲ.

  ಆರಂಭಿಕ ಮಾಹಿತಿಯ ಪ್ರಕಾರ, ಸಂಜೆ 7: 30 ರ ಸುಮಾರಿಗೆ ಮೂವರು ಶಸ್ತ್ರಾಸ್ತ್ರಗಳನ್ನು ಹಿಡಿದುಕೊಂಡು ಬಂದಿದ್ದು, ಕಚೇರಿಗೆ ನುಗ್ಗಿ ಫೈಯರ್‌ ಮಾಡಿದ್ದಾರೆ. ಪೊಲೀಸರ ಹಾದಿ ತಪ್ಪಿಸಲು ಆರೋಪಿಗಳು ಘಟನೆ ನಡೆದ ಜಾಗದ ಸಿಸಿಟಿವಿಯನ್ನು ಹೊತ್ತೊಯ್ದಿದ್ದಾರೆ.

  ಸಿಸಿ ಟಿವಿ ದೃಶ್ಯಾವಳಿ ಆಧಾರಿಸಿ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದಾರೆ.