ಪಾಕ್ ಡ್ರೋನ್‌ ಹೊಡೆದುರಳಿಸುವ ಹಿಟ್ ತಂಡಗಳಿಗೆ 1 ಲಕ್ಷ ರೂ. ಬಹುಮಾನ-ಬಿಎಸ್‌ಎಫ್

•   Fri, Dec 30 2022 04:12:07 PM



• ನವದೆಹಲಿ, ಡಿ 30 (DaijiworldNews/DB): ಪಾಕಿಸ್ತಾನದ ಡ್ರೋನ್‌ಗಳನ್ನು ಹೊಡೆದುರುಳಿಸುವ ಬಿಎಸ್‌ಎಫ್ ಹಿಟ್ ತಂಡಕ್ಕೆ 1 ಲಕ್ಷ ರೂಪಾಯಿ ನಗದು ಬಹುಮಾನ ನೀಡುವುದುದಾಗಿ ಬಿಎಸ್‌ಎಫ್‌ ಘೋಷಿಸಿದೆ.

  ಗಡಿಯಲ್ಲಿ ಡ್ರೋನ್‌ಗಳ ಮೂಲಕ ಭಾರತಕ್ಕೆ ಡ್ರಗ್ಸ್, ಶಸ್ತ್ರಾಸ್ತ್ರ ಸಾಗಿಸುವ ಪಾಕಿಸ್ತಾನದ ಉಪಟಳ ಹೆಚ್ಚುತ್ತಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಪಂಜಾಬ್‌ವೊಂದರಲ್ಲೇ ಪಾಕ್ ಡ್ರೋನ್ ಹಾವಳಿ ಹೆಚ್ಚಾಗಿದೆ. ಹೀಗಾಗಿ ಬಿಎಸ್‌ಎಫ್ ಈ ಹೊಸ ಘೋಷಣೆಯನ್ನು ಮಾಡಿದೆ. ರೈಫಲ್ ಫೈರಿಂಗ್ ಅಥವಾ ಜ್ಯಾಮಿಂಗ್ ತಂತ್ರಜ್ಞಾನ ಬಳಸಿ ಪಾಕ್ ಡ್ರೋನ್‌ಗಳನ್ನು ಹೊಡೆದುರುಳಿಸುವ ಬಿಎಸ್‌ಎಫ್‌ನ ಪ್ರತಿ ಹಿಟ್ ತಂಡಕ್ಕೆ 1 ಲಕ್ಷ ರೂಪಾಯಿ ನಗದು ಬಹುಮಾನ, ಜಾಮರ್‌ಗಳು ಮತ್ತು ಸ್ಪೂಫರ್‌ಗಳನ್ನು ನೀಡುವುದಾಗಿ ಹಿರಿಯ ಬಿಎಸ್ಎಫ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

  ಪಂಜಾಬ್‌ನ ಜಲಂಧರ್‍ ಗಡಿಯಲ್ಲಿ ಪಾಕ್‌ನ ಡ್ರೋನ್ ಹಾವಳಿ ಬಗ್ಗೆ ಮಾಹಿತಿ ನೀಡಿದ ಸಾರ್ವಜನಿಕರಿಗೆ ಇದೇ ರೀತಿ ಬಹುಮಾನವನ್ನು ಕಳೆದ ಏಪ್ರಿಲ್‌ನಲ್ಲಿ ಘೋಷಿಸಲಾಗಿತ್ತು. ಡಿಸೆಂಬರ್‍ 25ರವರೆಗೆ 22 ಡ್ರೋನ್‌ಗಳನ್ನು ಬಿಎಸ್‌ಎಫ್ ಹೊಡೆದುರುಳಿಸಿತ್ತು. ಈಗಾಗಲೇ 12ಕ್ಕೂ ಹೆಚ್ಚು ತಂಡಗಳಿಗೆ ಬಹುಮಾನ ನೀಡಲಾಗಿದೆ ಎಂದವರು ವಿವರಿಸಿದ್ದಾರೆ.