National
ಪ್ರಿ ವೆಡ್ಡಿಂಗ್ ಫೋಟೋಶೂಟ್-ರೊಮ್ಯಾಂಟಿಕ್ ಪೋಸ್ ನೀಡುವಾಗ ಕೆಳಕ್ಕೆ ಬಿದ್ದ ಜೋಡಿ!
- Wed, Dec 28 2022 05:12:48 PM
-
ನವದೆಹಲಿ, ಡಿ 28 (DaijiworldNews/DB): ಪ್ರಿ ವೆಡ್ಡಿಂಗ್ ಫೋಟೋಶೂಟ್ ಇತ್ತೀಚಿನ ಟ್ರೆಂಡ್. ಆದರೆ ಇಲ್ಲೊಂದು ಜೋಡಿ ಪ್ರಿ ವೆಡ್ಡಿಂಗ್ ಫೋಟೋಶೂಟ್‌ನಲ್ಲಿ ರೊಮ್ಯಾಂಟಿಕ್ ಪೋಸ್ ನೀಡಲು ಹೋಗಿ ಎಡವಟ್ಟು ಮಾಡಿಕೊಂಡಿದೆ. ವಧು-ವರ ಇಬ್ಬರೂ ಫೋಟೋಶೂಟ್ ಮಾಡುತ್ತಿರುವಾಗಲೇ ಜಾರಿ ಬಿದ್ದಿದ್ದಾರೆ.
ಜೈಪುರದಲ್ಲಿ ಈ ಪ್ರಸಂಗ ನಡೆದಿದ್ದು, ಸದ್ಯ ವಧು-ವರ ಬಿದ್ದ ಫೋಟೋ ವೈರಲ್ ಆಗಿದೆ. ವಧು-ವರರಂತೆ ಸಿದ್ದರಾಗಿ ಚೆಂದದ ವೇದಿಕೆಯೊಂದರಲ್ಲಿ ಇಬ್ಬರೂ ಫೋಟೋಶೂಟ್ ಮಾಡಿಸಿಕೊಳ್ಳುತ್ತಿದ್ದರು. ಭಾರೀ ಗಾತ್ರದ ಲೆಹೆಂಗಾ ಧರಿಸಿದ್ದ ವಧು ಮತ್ತು ಕುರ್ತಾ ಧರಿಸಿದ್ದ ವರ ಇಬ್ಬರೂ ರೊಮ್ಯಾಂಟಿಕ್ ಪೋಸ್ ನೀಡುತ್ತಿದ್ದರು. ಈ ವೇಳೆ ಹುಡುಗಿಯ ಶಾಲು ಹುಡುಗನ ಕುರ್ತಾಕ್ಕೆ ಸಿಕ್ಕಿ ಹಾಕಿಕೊಂಡಿದೆ. ಇದರಿಂದ ಇಬ್ಬರೂ ಕೆಳಕ್ಕೆ ಬಿದ್ದಿದ್ದಾರೆ.
ಸದ್ಯ ವಧು-ವರ ಬಿದ್ದಿರುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇಬ್ಬರೂ ಈಗ ಪ್ರೀತಿಯಲ್ಲಿ ’ಬಿದ್ದಿದ್ದಾರೆ’ ಎಂದು ಇನ್‌ಸ್ಟಾಗ್ರಾಂ ಬಳಕೆದಾರರೊಬ್ಬರು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರ ಭಾರವಾದ ಬಟ್ಟೆ ಧರಿಸಿದರೆ ಇನ್ನೇನಾಗುತ್ತದೆ ಎಂದು ಪ್ರಶ್ನಿಸಿದ್ದಾರೆ.
ಚಾನಲ್ ಫಾಲೋ ಮಾಡಿ
