ಜಾರ್ಖಂಡ್ ನಟಿ ರಿಯಾಕುಮಾರಿಗೆ ಹೆದ್ದಾರಿಯಲ್ಲೇ ಗುಂಡಿಕ್ಕಿ ಹತ್ಯೆ

•   Wed, Dec 28 2022 04:22:08 PM



• ಕೋಲ್ಕತ್ತ, ಡಿ 28 (DaijiworldNews/DB): ಜಾರ್ಖಂಡ್‌ನ ನಟಿಯೊಬ್ಬರನ್ನು ದರೋಡೆಕೋರರು ಗುಂಡಿಟ್ಟು ಹತ್ಯೆಗೈದ ಘಟನೆ ಇಂದು ಮುಂಜಾನೆ ರಾಂಚಿ-ಕೋಲ್ಕತ್ತ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದಿದೆ.

  ರಿಯಾ ಕುಮಾರಿ (30) ಹತ್ಯೆಯಾದವರು. ರಿಯಾ ಅವರು ಬುಧವಾರ ಬೆಳಗ್ಗೆ ಪತಿ ಪ್ರಕಾಶ್‌ಕುಮಾರ್ ಹಾಗೂ ಮೂರು ವರ್ಷದ ಪುತ್ರಿಯೊಂದಿಗೆ ಕಾರಿನಲ್ಲಿ ಸಂಚರಿಸುತ್ತಿದ್ದರು. ಈ ವೇಳೆ ಬೆಳಗ್ಗೆ 6 ಗಂಟೆ ಸುಮಾರಿಗೆ ಮಹೀಶ್‌ರೇಖಾ ಸೇತುವೆ ಬಳಿ ಮೂತ್ರ ವಿಸರ್ಜನೆಗೆಂದು ಕಾರು ನಿಲ್ಲಿಸಿದ್ದ ವೇಳೆ ದುಷ್ಕರ್ಮಿಗಳು ದರೋಡೆಗಾಗಿ ಅವರ ಬಳಿ ಬಂದಿದ್ದರು. ಇದಕ್ಕೆ ರಿಯಾ ಪ್ರತಿರೋಧ ಒಡ್ಡಿದಾಗ ದರೋಡೆಕೋರರು ಅವರಿಗೆ ಗುಂಡು ಹೊಡೆದಿದ್ದಾರೆ. ಕೂಡಲೇ ಅವರ ಪತಿ ಓಡಿ ಬಂದು ಆಕೆಯನ್ನು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಆದರೆ ತೀವ್ರ ರಕ್ತಸ್ರಾವದಿಂದಾಗಿ ಅವರು ಮಾರ್ಗಮಧ್ಯೆಯೇ ಸಾವನ್ನಪ್ಪಿದ್ದಾರೆ ಎಂದು ಪತಿ ಪ್ರಕಾಶ್‌ಕುಮಾರ್ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

  ಇನ್ನು ಪತಿ ಪ್ರಕಾಶ್‌ಕುಮಾರ್‍ ಅವರ ಹೇಳಿಕೆಗಳು ಅನಮಾನಾಸ್ಪದವಾಗಿದ್ದ ಕಾರಣ ಅವರ ಮೇಲೆಯೂ ಹೌರಾ ಪೊಲೀಸರಿಗೆ ಅನುಮಾನ ವ್ಯಕ್ತವಾಗಿದೆ ಎನ್ನಲಾಗಿದೆ. ಘಟನೆ ಬಗ್ಗೆ ಸಮಗ್ರ ತನಿಖೆ ನಡೆಸಲಾಗುವುದು ಎಂದು ಪೊಲೀಸರು ಹೇಳಿರುವುದಾಗಿ ವರದಿಯಾಗಿದೆ. ಜಾರ್ಖಂಡ್‌ನ ಕೆಲವು ಧಾರವಾಹಿಗಳಲ್ಲಿ ರಿಯಾ ನಟಿಸಿದ್ದರು.