'ಯಾವಾಗ ಪೈಲಟ್ ಆಗುತ್ತೀಯಾ?'-ತಾಯಿಯ ಕನಸು ನನಸಾಗಿಸಿದ ಮಗ

•   Wed, Dec 28 2022 12:45:07 PM



• ನವದೆಹಲಿ, ಡಿ 28 (DaijiworldNews/DB): ತಾಯಿಯ ಆಸೆಯಂತೆ ಪುತ್ರನೊಬ್ಬ ಪೈಲಟ್‌ ಆಗಿ ಆಕೆಯನ್ನು ಮೆಕ್ಕಾಗೆ ಕರೆದುಕೊಂಡು ಹೋಗಿದ್ದಾರೆ. ಆ ಮೂಲಕ ಬಾಲ್ಯದಲ್ಲಿ ತಾಯಿ ಚೀಟಿಯಲ್ಲಿ ಬರೆದು ಕೇಳಿದ ಪ್ರಶ್ನೆಗೆ ಬೆಳೆದು ನಿಂತ ಮಗ ಉತ್ತರ ನೀಡಿದ್ದಾನೆ.

  ಈ ವಿಚಾರವನ್ನು ಸ್ವತಃ ಮಗನೇ ಟ್ವೀಟ್ ಮಾಡಿ ಹಂಚಿಕೊಂಡಿದ್ದು, ಜೀವನದ ಅತಿ ಹೆಮ್ಮೆಯ ಕ್ಷಣವೆಂದು ಬರೆದುಕೊಂಡಿದ್ದಾರೆ. ಅಮೀರ್‍ ರಶೀದ್ ವಾನಿ ಎಂಬವರು ತಮ್ಮ ಜೀವನದ ಅತ್ಯಮೂಲ್ಯ ಕ್ಷಣವನ್ನು ಟ್ವೀಟ್ ಮಾಡಿದ್ದು, ಬಾಲ್ಯದಲ್ಲಿ ತಾಯಿ ಪ್ರಶ್ನಿಸಿದ ಆಸೆಗೆ ಉತ್ತರ ನೀಡಿದ್ದೇನೆ ಎಂದು ಬರೆದುಕೊಂಡಿದ್ದೇನೆ.

  ಪ್ರತೀ ಹೆತ್ತವರಿಗೂ ತಮ್ಮ ಮಕ್ಕಳ ಭವಿಷ್ಯದ ಬಗ್ಗೆ ಕನಸಿನ ಕೋಟೆ ದೊಡ್ಡದಿರುತ್ತದೆ. ಅಮೀರ್ ರಶೀದ್ ವಾನಿ ಅವರ ತಾಯಿಗೂ ಅಂತಹುದೊಂದು ದೊಡ್ಡ ಕನಸಿತ್ತು. ಆ ಕನಸನ್ನು ಚೀಟಿಯಲ್ಲಿ ಪ್ರಶ್ನೆಯಾಗಿ ಬರೆದಿದ್ದರು ತಾಯಿ. ನೀನು ಯಾವಾಗ ಪೈಲಟ್ ಆಗುತ್ತೀಯಾ? ನೀನು ಓಡಿಸುವ ವಿಮಾನದಲ್ಲಿ ಮೆಕ್ಕಾಗೆ ನನ್ನನ್ನು ಯಾವಾಗ ಕರೆದೊಯ್ಯುತ್ತೀಯಾ ಎಂದು ಕೇಳಿದ್ದರು.

  ಈ ಚೀಟಿಯನ್ನು ತನ್ನಲ್ಲೇ ಭದ್ರವಾಗಿರಿಸಿಕೊಂಡಿದ್ದ ಅಮೀರ್‍, ದೊಡ್ಡವರಾದ ಮೇಲೆ ತನ್ನ ತಾಯಿಯ ಆಸೆಯನ್ನು ಪೂರೈಸಿದ್ದಾರೆ. ಸದ್ಯ ಪೈಲಟ್ ಆಗಿರುವ ಅಮೀರ್‍, ತಾನು ಚಲಾಯಿಸುವ ವಿಮಾನದಲ್ಲೇ ತನ್ನ ತಾಯಿಯನ್ನು ಮೆಕ್ಕಾಗೆ ಕರೆದೊಯ್ದಿದ್ದಾರೆ. ಇಂದು ವಿಮಾನದಲ್ಲಿ ಪವಿತ್ರ ಕಾಬಾಕ್ಕೆ ಹೋಗುವ ಪ್ರಯಾಣಿಕರಲ್ಲಿ ನನ್ನ ತಾಯಿಯೂ ಒಬ್ಬರು ಮತ್ತು ನಾನು ಆ ವಿಮಾನದ ಪೈಲಟ್ ಎಂದು ಅವರು ಬರೆದುಕೊಂಡಿದ್ದಾರೆ.

  ತಾಯಿಯ ಆಸೆಯಂತೆ ಪೈಲಟ್ ಆಗಿ ಆಕೆಯನ್ನು ಮೆಕ್ಕಾಗೆ ಕರೆದೊಯ್ದ ಮಗನ ಬಗ್ಗೆ ಟ್ವೀಟರ್‌ನಲ್ಲಿ ಭಾರೀ ಪ್ರಶಂಸೆ ವ್ಯಕ್ತವಾಗಿದೆ. ಇನ್ನು ಅಮೀರ್‍ ರಶೀದ್ ವಾನಿ ಮೂಲತಃ ಎಲ್ಲಿಯವರು ಎಂಬುದು ತಿಳಿದು ಬಂದಿಲ್ಲ. ಜಮ್ಮು ಕಾಶ್ಮೀರ ಮೂಲದವರು ಎನ್ನಲಾಗುತ್ತಿದೆ.

  ♥️♥️My mother wrote me a card for the school and hung it on my chest, and used to tell me that: "When you become a pilot, take me to #Makkah 🕋 on you plane."
  
  Today my mother is one of the travelers to the Holy Kaaba 🕋 and I am the pilot of the flight 💖. pic.twitter.com/c6KuKjvGum

  — Amir Rashid Wani (@AmirRashidWani) December 26, 2022