ಆಸ್ಪತ್ರೆಯ ಐಸಿಯುನಲ್ಲೇ ಮಗಳ ಮದುವೆ ನೋಡುತ್ತಾ ಪ್ರಾಣಬಿಟ್ಟ ತಾಯಿ!

•   Tue, Dec 27 2022 01:50:32 PM



• ಬಿಹಾರ, ಡಿ 27 (DaijiworldNews/HR): ಬಿಹಾರದ ಖಾಸಗಿ ಆಸ್ಪತ್ರೆಯ ಐಸಿಯು ವಾರ್ಡ್‌ನಲ್ಲಿ ತಾಯಿಯೊಬ್ಬರ ಕೊನೆಯ ಆಸೆಯಂತೆ ಮಗಳು ವಿವಾಹವಾಗಿರುವ ಅಪರೂಪದ ಘಟನೆ ನಡೆದಿದೆ.

  ಪೂನಂ ಕುಮಾರಿ ವರ್ಮಾ ಎಂಬ ಮಹಿಳೆಯು ತಮ್ಮ ಮಗಳು ಚಾಂದಿನಿ ಕುಮಾರಿಗೆ ಇಂಜಿನಿಯರ್ ಆಗಿರುವ ಸುಮಿತ್ ಗೌರವ್ ಅವರೊಂದಿಗೆ ವಿವಾಹ ನಿಶ್ಚಯ ಮಾಡಿದ್ದು, ಆರೋಗ್ಯ ಹದಗೆಟ್ಟಾಗ, ನಿಶ್ಚಿತಾರ್ಥದ ನಿಗದಿತ ದಿನಾಂಕಕ್ಕಿಂತ ಒಂದು ದಿನ ಮುಂಚಿತವಾಗಿ ಇಬ್ಬರನ್ನೂ ಮದುವೆಯಾಗುವಂತೆ ಒತ್ತಾಯಿಸಿದ್ದರು .

  ಇನ್ನು ಮಗಳು ತಾಯಿಯ ಆಸೆ ಈಡೇರಿಸಲು ಮುಂದಾಗಿದ್ದು, ಐಸಿಯುನಲ್ಲಿ ಮದುವೆ ಮಾಡಲು ಆಸ್ಪತ್ರೆಯ ಅನುಮತಿ ಕೋರಿದ್ದಾರೆ. ಆಸ್ಪತ್ರೆಯ ಸಮ್ಮತಿ ಬಳಿಕ ತಾಯಿ ಎದುರಿನಲ್ಲೇ ಐಸಿಯು ನಲ್ಲಿ ಇಬ್ಬರು ತಾಳಿ ಕಟ್ಟಿಕೊಂಡು ವಿವಾಹವಾಗಿದ್ದು, ಮದುವೆಯಾದ ಕೇವಲ ಎರಡೇ ಗಂಟೆಯಲ್ಲಿ ಯುವತಿಯ ತಾಯಿ ಪ್ರಾಣಬಿಟ್ಟಿದ್ದಾರೆ ಎನ್ನಲಾಗಿದೆ.